One World
Prisoner of the Road
56 min
Calexico bleiwe sech selwer trei: Cumbia, Conjunto a Mariachi Influenzen och op hirem zéngte Studio-Album “El Mirador”.
De Farees ass e Museker mat engem räiche kulturellen Ierwen, notamment huet hie Racinnen an der Touareg-Kultur. Räich ass och säin Talent: Gittarvirtuos, Poet, Singer-Songwriter, Multi-Instrumentalist an och Aktivist fir Mënscherechter.
MiiRA ass eng jonk portugisesch Artistin, déi mir hei entdecke mat hirer villverspriechender Debut-Single Lembro.
Ane Brun a Sivert Høyem sinn zesumme fir “Prisoner of the Road”. Allebéid Norweger an allebéid engagéiert fir Fongen anzespillen, déi de Refugiéem zegutt kommen.
“A Light for Attracting Attention” ass den Debut Studio-Album vu The Smile, deen d’lescht Joer erauskoum. The Smile, dat ass den Thom Yorke vu Radiohead zesumme mam Jonny Greenwood an dem Drummer Tom Skinner.
Och aus England kënnt de Joe Yorke. Mir lauschteren a säi neien Album “Hopeless” eran. (De Joe schéngt awer net Famill ze si mam Frontmann vu Radiohead Thom Yorke).
Muito Kaballa ass en néng-käppege Kombo vu Köln, dee vum Afrobeat, Funk, Jazz an allem beaflosst ass, wat groovt!
Déi däitsch Sounftüftler vu Mo' Horizons hunn am Oktober deen neien Album “Mango” verëffentlecht. Grad wéi bei Muito Kaballa schaffen och si gäre mat Gaascht-Invitéen, an esou kënne mir déi multitalentéiert Noam Bar Azulay entdecken, Leaderin vum Soul/Jazz/HipHop-Outfit Noam Bar.
Playlist:
1. Calexico - El Mirador - El Mirador
2. Marc Ribot y Los Cubanos Postizos - No Me Llores Mas - Y los Cubanos Postizos
3. Eric Bibb - Free (feat. Habib Koité) - Ridin’
4. Farees - Split Second - Border Patrol
5. MiiRA - Lembro - Lembro - Single
6. LaFrange - i wish you died - nobody else will ever see me naked
7. Ane Brun, Sivert Høyem - Prisoner of the Road
8. The Coral - North Wind - Sea Of Mirrors
9. Joe Yorke - Dreaming - Hopeless
10. The Smile - The Smoke - A Light for Attracting Attention
11. Muito Kaballa - Luna (feat. Reinel Bakole) - Like a River
12. Mo' Horizons I Can't Sleep (feat. Noam Bar Azulay) - Mango
13. Empress Chai & Erik Ritfeld - Fix Me - Piece of Mind