One World
September Sun
0 min
Jean Jules Similien alias « Toto Nécessité » hie kennt aus dem Norde vun Haiti an ass ee vun den Artisten di d’Anthologie ‘Antilles chéries’ virstellt. E gudde Choix vun Artisten deen eis den Emile Omar hei proposéiert, hien ass e.a Programmateur bei Radio Nova an hëlt eis mat dëser Compil mat op eng Rees duerch d’Antillen.
Vun der Sonn awer och vill Leed geniert ass d’Musek vun de Garifuna. Si sinn eng Mëschung vu freien Afrikaner an indigeenen Süd-Amerikaneschen Awunner di hiren Ursprong hunn op der karibescher Insel Saint Vincent.
Psychedelesche Rock aus Sambia vu Witch haut bei One World. Dëst ass eng Band di an de 70er Jore gegrënnt gouf an ‘Waile’ ass dat éischt neit Lidd zënter 1984 mam originale Frontmann vun deemools, dem Emmanuel 'Jagari' Chanda.
Aus dem Mali erreecht eis haut de neien Album ‘Diré’ vum Idrissa Soumaoro. Hien ass e Meeschter vun der ngoni, e Säiteninstrument, eng traditionell West-Afrikanesch Gittar. ..
Di amerikanesch Harfistin Brandee Younger vermëscht d’Traditiounen vun hirem Instrument mat Jazz, Soul, Funk an och klasseschen Influenzen. Hiren Album ‘Brand New Life’ vun dësem Joer ass en Hommage un d’Dorothy Ashby, eng aner schwaarz Musekerin op dësem Instrument di tëscht 1932 an 1986 gelieft huet.
De Fabrice Franck Henri besser bekannt als Guts ass e geschaten Dj an e richtege Museks-Archeolog an de Beräicher Hip Hop, Downbeat, Funk, Soul an Global Groove. Eng weider ‘Straight From The Decks’ Compil, den Vol 3 hu mer haut opleien mat e puer Pärelen an Decouvertë … en excellente Mix deen de Guts eis hei proposéiert!
Den hollänneschen Duo Donna Blue léist mat sengem Debut Album ‘Dark Roses’ eng Musek erkléngen di un e Soundtrack erënnert …
De Soundtrack vum D. Lynch senger Teles-Serie ‘Twin Peaks’ ass eng B.O di vum Angelo Badalamenti geschriwwe gouf an fir d’éischt den 11 September 1990 vu Warner Bros verëffentlecht ginn ass…
Den Angelo Badalamenti ass an enger anerer schéiner Kollaboratioun ze héieren di an de 90er erauskoum ënner dem Numm ‘Booth & The Bad Angel’.
Playlist:
Toto Necessitè - Cail la mandé rousé - Antilles chéries
The Garifuna Collective - Black Catbird - A Guide to the Birdsong of México, Central América & the Caribbean
Nora Kamm - Sensible (feat. Salimata Traore) - One
Witch - Waile - Waile
Idrissa Soumaoro - N’den Tedi - Diré
Adam Baldych & Yaron Herman - June - The New Tradition
Brandee Younger - Running Game - Brand New Life
Vincent Segal, David Walters, Ballaké Sissoko & Roger Raspail - Freedom - Nocturne
Lagos Thugs - Innocent Blood (Let It Be Known) - Straight from the Decks, Vol. 3 (Guts Finest Selection from His Famous DJ Sets)
Donna Blue - Cup of Time - Dark Roses
Julee Cruise - Into the Night - Twin Peaks (Soundtrack From)
Tim Booth & Angelo Badalamenti - Dance of the Bad Angels - Booth and the Bad Angel