Alla Breve

2012-02-08T18:30:00+01:00

De Bruno Walter (1876-1962) war Dirigent vum Leipziger Gewandhausorchester, vun den New Yorker Philharmoniker a stännege Gaaschtdirigent vun de Wiener Philharmoniker. Hien huet säi Frënd Gustav Mahler ënnerstëtzt a war och selwer Komponist. Seng Wierker sinn haut allerdéngs kaum bekannt. (Rediff. méindes um 23.00)

Ernährungsforum

2012-02-08T18:03:00+01:00

Leit déi schwéier kierperlech schaffen oder sportlech aktiv sinn, verbrauche bekanntlech méi Energie, Kalorien. Dofir misst et och méiglech sinn, wann een um Dësch gesënnegt huet, duerch zousätzlech kierperlech Aktivitéit, dës Kalorien nees ofzebauen. Wei ee seng perséinlech Energiebilanz zéie kann, huet d'Joëlle Drees beim Spezialist nogefrot. (Rediff. vun 11.05)

Rendezvous am Concert

2012-02-08T17:30:00+01:00

De Museksmagazin mat aktuellen Themen: Museker, Disken a Festivaler presentéiert vum Guy Engels.

De Concert «In Phase with J. S. Bach» am CAPE zu Ettelbréck, den 100. Gebuertsdag vum Bassist Paul Sontag, déi international Neiegkeeten an de Concertskalenner sinn haut Themen a RV am Concert.

(Rediff. um 22.30)

Kulturnoriichten

2012-02-08T17:20:00+01:00

An de Kulturnoriichte geet et haut ëm den Discovery Zone Film Festival, d’Vente vu Konschtobjeten, déi sou héich sinn, wéi nach ni, an e Rekord bei den online-Verkafszuele vun engem Pop-Album.

(Rediff. um 22.20)

Owes-Panorama

2012-02-08T17:00:00+01:00

National an international Noriichten. (Rediff. um 22.00)

Dageskronik

2012-02-08T11:50:00+01:00

Presseforum fir de Serge Kennerknecht vum Tageblatt. (Rediff. vu 07.50)

Kulturbäitrag

2012-02-08T11:40:00+01:00

Et ass bekannt, datt d’Blockbustere vun Hollywood hire Succès dacks der Filmmusek ze verdanken hunn. Schued ass et, datt d’Filmmuseken dacks als mannerwäerteg vu Puristen ugesi ginn. Dem John Williams seng och dacks komplex a magistral orchestréiert Filmmusek huet der spéitromantescher an impressionistescher Musek net vill ze enviéieren.
Den John Williams feiert haut 80 Joer.

Dossier vum Dag

2012-02-08T11:20:00+01:00

An engem groussen Akafszenter war bis e leschte Samschdeg eng Ausstellung ze gesinn, déi iwwert d’Bluttspenden an deene leschte 25 Joer hei am Land informéiert huet. De Motto war: Ech spende Blutt a rette Liewen domat. Bluttspenden ass wichteg, war de Message, mä net jiddereen däerf spenden. Firwat zum Beispill männlech Homosexueller dovunner ausgeschloss sinn, där Fro geet den André Duebbers am Dossier vum Dag no.

(Rediff. vun 8.20)

Mëttes-Panorama

2012-02-08T11:00:00+01:00

National an international Noriichten.

Presserevue

2012-02-08T07:15:00+01:00

E Bléck an déi national Zeitungen.

Moies-Panorama

2012-02-08T07:00:00+01:00

National an international Noriichte mat der Rediffusioun vum Commentaire.

Invité virum Dag

2012-02-08T06:35:00+01:00

mir ënnerhalen äis mam Carole Reckinger vum Sensibilisatiounsprogramm «Plaidons responsable», a presentéieren de Programm «Mangeons responsable - praktesche Guide fir den Alldag», an d’Aktiounen déi domadder verbonne sinn.

Kulturbäitrag

2012-02-08T06:20:00+01:00

Albert Nobbs vum Rodrigo Garcia ass eng Comédie dramatique a spillt Enn vum 19. Joerhonnert an Irland, eng Zäit an däer déi grouss Hongersnout zwar eriwwer war, déi einfach Leit awer ëmmer nach hu misse struewele fir iwwert d’Ronnen ze kommen.
An der Roll vum Albert Nobbs ass, op den alleréischte Bléck net z'erkennen, déi amerikanesch Actrice Glenn Close. Mat op der prestigiéiser Affiche sinn d’Mia Wasikowska, de Brendan Gleeson an den Aaron Johnson. D’Sylvie Flammang war Albert Nobbs an den Utopia kucken.

Moies-Panorama

2012-02-08T06:00:00+01:00

National an international Noriichte mam Commentaire (Rediffusioun an der Editioun vun 08.00).

Philosophie, déi grouss Froen: Economie a Moral

2012-02-07T18:30:00+01:00

Huet schonn de Platon déi Leit veruerteelt, déi de Profit zum Haaptzil vun hirem Liewe maachen, sou gräift den Aristoteles dëse Gedanken op a verdéift en. Graff gesi kënnen dräi grouss Mënschentypen ënnerscheet ginn: den homo oeconomicus, deen nëmmen de materielle Profit gesäit, den homo hedonisticus, deen nëmmen déi sënnlech Befriddegung gesäit an den homo philosophicus, fir deen d'Entwécklung vun den intellektuelle Fähegkeeten d'Haaptzil ass. Fir den Aristoteles kann eenzeg an eleng dee Leschten dat richtegt Gléck fannen, well hien eleng erkennt, wat wierklech e Wäert huet. Fir den Aristoteles gëtt et e Wäert déi Säit vun allen ökonomesche Wäerter. Eng Sendung mam Norbert Campagna. (Rediff. vun 09.05)

Land a Leit

2012-02-07T18:03:00+01:00

ZARE, SIDEC, SYVICOL, SIGEC oder SIGI, hannert dësen Ofkierzunge verstoppe sech interkommunal oder Gemengesyndikater, déi op e Gesetz vun 1900 zréckginn a vun de Gemenge proposéiert ginn. Si hunn de Statut vun engem Etablissement public an hunn ënnerschiddlech Vocatiounen, déi den André Duebbers explizéiert. (Rediff vun 11.05)

Rendezvous am Theater

2012-02-07T17:30:00+01:00

Iwwert den Theater an déi, déi e maachen, zu Lëtzebuerg an am Ausland. Mam Jean-Claude Majerus.

“Abendschau” a “Kaspar Häuser Meer” sinn Titele vun zwee Theaterstécker iwwert déi am Rendezvous am Theater Rieds geet.
An um Enn feiere mer dann och nach mam däitschen Acteur Manfred Krug Gebuertsdag.
(Rediff. um 22.30)

Kulturnoriichten

2012-02-07T17:20:00+01:00

An de Kulturnoriichte geet et haut ëm Berliner Muséeën, ëm d’Welttournée vun der Madonna, en Hommage vum Prënz Charles un den Charles Dickens an dräi Stierffäll.

(Rediff. um 22.20)

Owes-Panorama

2012-02-07T17:00:00+01:00

National an international Noriichten. (Rediff. um 22.00)

Dageskronik

2012-02-07T11:50:00+01:00

Kulturkronik: All Mënsch, deen op Facebook ass, kritt et mat. Hei am Land ginn et vill Leit, déi en extremen Haass op jiddereen hunn, deen net lëtzebuergesch ass. Duerch déi sozial Netzwierker huet de Friemenhaass eng Plattform kritt, déi et méiglech mécht, datt en sech wéi e Virus verbreet. Et gëtt héich Zäit fir ze handelen, mengt den Yves Stephany a senger Kulturchronik. (Rediff. vu 7.50)

Kulturbäitrag

2012-02-07T11:40:00+01:00

Concerte matzen an der Woch- mee gratis.
Dat mat internationale Gruppen aus dem Beräich Rock, Pop, Elektro oder Folk.
D’Showcase-Soiréen an der Rockhal am Bistrot.
No den Optrëtter dëslescht vu Wye Oak, Dear Reader a We Are Animal, war et gëschter Owend un enger weiderer onbekannter amerikanescher Formatioun fir am Café vun der Rockhal ze spillen: Megafaun.
A well nees eng Kéier net vill Leit koumen, huet dës Grupp dunn quasi hiren Optrëtt ganz improviséiert.
De Mike Tock ass begeeschtert vun de 4 Museker, déi mëttlerweil an der Grupp dra sinn.

Dossier vum Dag

2012-02-07T11:20:00+01:00

Zënter datt d’Fëmmverbuet – via dem Gesetz vun 2006 an de Restauranten besteet – soll sou e Verbuet och fir d’Caféë kommen. Datt d’HORESCA deem mat gemëschte Gefiller entgéint kuckt, schéngt evident. Sécher ass, datt d’Fëmmen och eng Saach vun Erzéiung sollt sinn. An dësen Deeg ginn Ënnerschrëfte géint en totalt Fëmmverbuet an de lëtzebuergesche Bistroe gesammelt. Fir den Dossier vum Dag huet de J-Pol Roden dann nogefrot, wéi de Secteur reagéiert, sollt et da wierklech zu engem totale Fëmmverbuet kommen.

(Rediff. vun 8.20)

Mëttes-Panorama

2012-02-07T11:00:00+01:00

National an international Noriichten.

Presserevue

2012-02-07T07:15:00+01:00

E Bléck an déi national Zeitungen.

Moies-Panorama

2012-02-07T07:00:00+01:00

National an international Noriichte mat der Rediffusioun vum Commentaire.

Invité virum Dag

2012-02-07T06:35:00+01:00

mir begréissen de Jim Schmitz vun «Natur & Ëmwelt» zesumme mam Georges Keipes vum «Kräidergaart Wanseler» a «Bléi vum Séi». Mir stellen de Gewënner vum Präis «Hëllef fir d’Natur 2011» vir.

Kulturbäitrag

2012-02-07T06:20:00+01:00

D’Juliette Gréco, “grande dame” vun der “chanson française” a Muse aus dem intellektuellen a Kënschtler-Quartier Saint-Germain-des Prés an de 50er Jore feiert haut hire 85. Gebuertsdag. Ob am Beräich Chanson, Theater oder Film, d’Gréco ass eng Perséinlechkeet, déi eng essentiell Roll am Paräisser Liewen vun der Nokrichszäit gespillt huet.
Nach ëmmer fënnt déi engagéiert Sängerin de Wee zréck op d'Bühn a beweist mat hirem neien Konzept-Album “ça se traverse et c’est beau” an der rezenter Publikatioun vun hirer Autobiographie “Je suis faite comme ça”, datt si och no bal 65 Joer Carrière näischt un Humor an Energie verluer huet.
D’Christiane Marx mat engem Portrait

Moies-Panorama

2012-02-07T06:00:00+01:00

National an international Noriichte mam Commentaire (Rediff. an der Editioun vun 08.00).

Thema vum Mount: Benelux

2012-02-06T18:30:00+01:00

D'Belsch: Sproochesträit an engem linguistesche Patchwork
Wéi d'Belsch 1830 hir Onofhängegkeet proklaméiert huet, huet d'Majoritéit vun der Bevëlkerung weder franséisch nach hollännesch geschwat, mä regional Dialekter, an d'Bourgeoisie war frankophon. De Georges Kohnen erkläert, wéi dës Patchwork-Situatioun am Laf vun de Joren ëmmer méi explosiv ginn ass.
(Rediff. vun 9.05)

Senioren-Académie

2012-02-06T18:03:00+01:00

Haut iessen d'Kanner anescht wéi fréier. Dacks maache sech Grousseltere Suergen, well se fannen, datt hir Enkelkanner net genuch oder ongesond iessen. Maache si sech d'Méi, e gudde Menü ze kachen, da schmaacht et de Kanner net. Mä wat schmaacht hinnen iwwerhaapt, a wéi gesäit et aus, wann déi 2 Generatiounen zesummen an der Kiche stinn? D'Joëlle Drees huet interessant Informatioune vun engem Expert. (Rediff. vun 11.05)

Rendezvous an der Galerie

2012-02-06T17:30:00+01:00

De Magazin iwwer Konscht, Kënschtler, Galerien a Muséeë vum Fernand Weides. (Rediff. um 22.30)

Kulturnoriichten

2012-02-06T17:20:00+01:00

D’Sujeten an de Kulturnoriichten:
Bei de Magritte du Cinéma goufen och lëtzebuergesch Co-Produktiounen ausgezeechent, e Roboter huet zu Tréier d’Bibel ofgeschriwwen, der Liz Taylor hir Konscht-Kollektioun gëtt versteet an zwee Hollänner hunn zu Amsterdam en nordkoreanesche Restaurant opgemaach.
(Rediff. um 22.20)

Owes-Panorama

2012-02-06T17:00:00+01:00

National an international Noriichten. (Rediff. um 22.00)

Dageskronik

2012-02-06T11:50:00+01:00

A propos mam Fernand Weides: Fortschrëtter an der Medezin a soss Ursaache bréngen mat sech, de Mensch gëtt méi al. Viraussetzung heifir ass awer, et mécht een och eppes derfir. De Gesondheetsministär huet elo seng Kampagn “Gesond iessen Méi bewegen” virgestallt, an de Sozialministär säi Rentereformprojekt. A propos aktiv sinn a bleiwen mam Fernand Weides. (Rediff. vu 07.50)

Kulturbäitrag

2012-02-06T11:40:00+01:00

Virun 9 Joer koum e Coffret vu 5 CDe mat Opname vum laangjäregen Doumorganist Albert Leblanc eraus. Seng fréier Schüler hate sech an enger Associatioun zesummegedoen, fir bei Geleeënheet vum 100. Gebuertsdag un dësen aussergewéinleche Museker ze erënneren. Weider Initiativen waren eng Série Concerts-hommage an d’Aweiung vun engem Gedenksteen um Kierfecht vu Longlier, do wou den Albert Leblanc begruewen ass. Hien ass haut op den Dag viru 25 Joer gestuerwen.

De Guy Engels erënnert un den Organist, Komponist a Pedagog.

Dossier vum Dag

2012-02-06T11:20:00+01:00

Zënter enger Zäitchen kënnt et am Stater Quartier Hollerech, op der Hollerecher Strooss regelméisseg de Week-end zu Kläppereien, heiandso esouguer zu Massekläppereien. Dat dann och moies géint sechs Auer, wann d’Caféën no de fräien Nuechten zoumachen. De Stater Buergermeeschter Xavier Bëttel ass hei formell, fuerdert méi Sécherheetspersonal a kierzt, am Fall wou d’Kläppereie sech sollte wiederhuelen, déi fräi Nuechten ëm dräi Stonnen. Dann ass amplaz moies um sechs schonns um dräi Auer Schluss.. Do dernieft suergt och de Stroossestréch e puer Stroosse méi wäit fir Diskussiounen. Den Dossier vum Dag vum André Duebbers......

(Rediff. vun 8.20)

Mëttes-Panorama

2012-02-06T11:00:00+01:00

National an international Noriichten.

Moies-Panorama

2012-02-06T07:00:00+01:00

National an international Noriichte mat der Rediffusioun vum Commentaire.

Invité virum Dag

2012-02-06T06:35:00+01:00

mir begréissen d‘Marie-Jeanne Bremer, Chargée de direction vum Centre d’Information et de Prévention, a presentéieren déi 6. Journée Nationale de Prévention du Suicide, ënnerm Thema «Suizidpräventioun am Alter – Ee weidere Bausteen!».

Kulturbäitrag

2012-02-06T06:20:00+01:00

The Descendants vum Alexander Payne ass eng Komedie dramatique ronderëm en tragescht Evenement am Liewe vum gutt situéierte Matt King. The Descendants ass e villschichtege Film iwwert d’Relatiounen an der klenger an an der grousser Famill, a spillt matten an der iwwerwältegender Natur vun den Hawaii Inselen.
D’Sylvie Flammang wor dee mat Golden Globes ausgezeechente Film, deen am Uopolis, Cinebelval a Kursaal leeft, fir eis kucken.

Moies-Panorama

2012-02-06T06:00:00+01:00

National an international Noriichte mam Commentaire (Rediff. an der Editioun vun 8.00).

Geschichtsarchiv

2012-02-05T18:00:00+01:00

Mir halen Noperschaft
… mat deenen zwee Länner, deels gutt, deels opréiesch an heinsdo guer keng Noperschaft. Mer hu seele mat „BeNe“ genopert, souguer wann et ëm gemeinsam Mënzen, Frangen an Douane goung, mer waren awer ëmmer noperlech. `t ass eng Zesumme-Geschicht net eréischt zënter 1815, mä vu virun Honnerte vu Joren un. Jo méi, wann een dem Caesar gleewe soll. Be, Ne a mer, dat ass eng regional Geschicht, déi nalaang keng „commune“ ass, am béide Sënn vum Wuert: keng gewéinlech a keng kollektiv. Dacks eng vun diplomateschen Intrigen a politeschem Verrot.
„Lëtzebuerg a BeNeLux“, eng belschhollänneschlëtzebuergesch Geschicht uechter Joerhonnerten am Zäitvergläich. E Geschichtsarchiv op gutt (?) Noperschaft, vum Roger Seimetz. (Rediff. vun 09.30)

Rendezvous um Kiosk

2012-02-05T17:30:00+01:00

De Forum vun der lëtzebuerger Blos- a Chouermusek. Dir héiert lëtzebuerger Harmonien, Fanfaren a Choralen. Presentéiert vum Manuel Ribeiro.

D’Walfer Musek feiert dës Saison hiren 100sten Anniversaire an presentéiert de Programm vun hire Feierlechkeeten.
D’Strëpp vun der Sandweiler Musek proposéiert dëst Joer nees en originelle Concert an der Kierch zu Sandweiler den 12te Februar um halwer 5.
E Concert ënnert dem Moto : Strëpp at Church.
(Rediff. vun 12.35)

Kulturbäitrag

2012-02-05T17:20:00+01:00

Am Ciné UTOPIA leeft e Film deen d’Angscht, esouguer d’Phobie als Thema huet. An Take Shelter weist de Regisseur Jeff Nichols wéi e ganz normale Familjepapp lues a lues geckeg gëtt.
De Christian Mosar war sech dës ganz iwwerzeegend Filmgeschicht ukucken.

Owes-Panorama

2012-02-05T17:00:00+01:00

National an international Noriichten. (Rediff. um 22.00)

Kulturbäitrag

2012-02-05T11:20:00+01:00

Et war en interessante Musekrendez-Vous e Freideg den Owend am Conservatoire vun der Stad Lëtzebuerg mat der Opféirung vum Jean-Pierre Kemmer senger Johannespassioun, mat vill Matwirkenden op der Bühn : de lëtzebuerger Coeur national, les Amis du chant, den Ensemble Vocal Euterpe, de Chorus Salicti Ambitus, den OPL Orchester mat de Soliste Marcel Reijans, Michael Tews a Josiane Franck. Dat Ganzt ënnert der Leedung vum Micha Hamel. Eng Kritk vum Pierre Neyens.

Mëttes-Panorama

2012-02-05T11:00:00+01:00

National an international Noriichten.

Konferenzen

2012-02-04T18:30:00+01:00

Am Kader vum Zyklus “Musikerziehung in Luxemburg”, dee vun der Universitéit Lëtzebuerg an der “Luxembourg Society for Music Education” organiséiert gëtt, war den 10. Dezember 2011 am Escher Conservatoire eng Konferenz, wou et ëm d’Musek an der Spillschoul an d’Zesummenaarbecht tëscht der Schoul an de Museksschoulen am Beräich “Enseignement Musical” gaangen ass, mat Virträg vum Leopold Winandy, Carola Ehrt a Martin Folz. Presentéiert vum Guy Engels.

Figures littéraires phares

2012-02-04T18:00:00+01:00

Leider kënne mer Iech net wéi am Programm annoncéiert d’Emissioun iwwer de Personnage vum Commissaire Maigret beim belsche Schrëftsteller Goergoes Simenon ze lauschtere ginn. Mir proposéieren aus der Série Evocations vun der Saison 2008/2009 iwwerschriwwen : Den André Gide zu Diddeleng an zu Colpech. Vun all deene Schrëftsteller, Philosophen, Politiker an Artisten, déi den Émile an d’Aline Mayrisch-de Saint-Hubert an hirer Villa zu Diddeleng an dunn an hirem Schlass zu Colpech empfaangen hunn, ass den André Gide dee bekanntesten. Hien huet net fir näischt 1949 den Nobelpräis fir Literatur kritt. Mä zu den Zäite vun der Koppel vu Lëtzebuerger Mäzene war hien eréischt amgaang, seng Carrière opzebauen. Als hyperdouéiert Autodidactin an als konschtinteresséiert Fra aus guttbiergerlechem Milieu, huet d’Aline Mayrisch d’Enstoe vu sengem Wierk vun Ufank u verfollegt. Si huet schonns fréi Rezensiounen dozou geschriwwen, de Gide huet si als Autorin an d’Nouvelle Revue française ophuele gelooss, wou si als Vermëttlerin tëscht Frankräich, der Belsch an Däitschland hir Roll als polyglott Lëtzebuergerin spille konnt. Mam Auteur vun den "Nourritures terrestres" a vun de "Faux-monnayeurs" hat si eng faszinant intellektuell Frëndschaft, jo scho bal eng Komplizitéit, och wann, op reng mënschlechem Plang, de Fransous, dee «le contemporain capital» genannt ginn ass, si eigentlich huet missen enttäuschen. De Frank Wilhelm erënnert un dës grouss Zäit, wou Lëtzebuerg, dank zwee räichen, intelligenten a generéise Leit, Uschloss fonnt hat un déi modern Zäit am éischten Drëttel vum viregte Joerhonnert. (Rediff. vun 09.05)

Rendezvous mam Buch

2012-02-04T17:30:00+01:00

Neies a Passionnantes aus der nationaler an internationaler Bicherwelt. Buchrezensiounen an Diskussioune mat Auteuren. Presentéiert vum Jean Claude Majerus.

An eisem Rendezvous mam Buch gëtt et zimlech philosophesch, dono geet et ëm d’Europeana, an um Enn steet den Auteur vum Oliver Twist am Mëttelpunkt.
(Rediff. um 22.30)

Archiv

Alla Breve

Ernährungsforum

Rendezvous am Concert

Kulturnoriichten

Owes-Panorama

Dageskronik

Kulturbäitrag

Dossier vum Dag

Mëttes-Panorama

Presserevue

Moies-Panorama

Invité virum Dag

Kulturbäitrag

Moies-Panorama

Philosophie, déi grouss Froen: Economie a Moral

Land a Leit

Rendezvous am Theater

Kulturnoriichten

Owes-Panorama

Dageskronik

Kulturbäitrag

Dossier vum Dag

Mëttes-Panorama

Presserevue

Moies-Panorama

Invité virum Dag

Kulturbäitrag

Moies-Panorama

Thema vum Mount: Benelux

Senioren-Académie

Rendezvous an der Galerie

Kulturnoriichten

Owes-Panorama

Dageskronik

Kulturbäitrag

Dossier vum Dag

Mëttes-Panorama

Moies-Panorama

Invité virum Dag

Kulturbäitrag

Moies-Panorama

Geschichtsarchiv

Rendezvous um Kiosk

Kulturbäitrag

Owes-Panorama

Kulturbäitrag

Mëttes-Panorama

Konferenzen

Figures littéraires phares

Rendezvous mam Buch