Kulturbäitrag

2013-05-25T10:40:00+01:00

De Filmfestival vu Cannes geet muer den Ownd mam Palmarès vun der Compétitioun op en Enn. Spekuléiert gëtt och dëst Joer, mä alles an allem war et eng Compétitioun an deer bis ewell weder e wierklech schlechten nach e wierklech groussaartege Filmer gelaf ass.
Eis Korrespondentin zu Cannes, d'Sylvie Flammang beliicht nach zwee Filmer : The Immigrant vum James Gray a La vie d'Adèle vum Abdellatif Kechiche.

Kulturbäitrag

2013-05-25T05:20:00+01:00

D’Affär Redl ass dee gréisste Spionnage-Fall an der éischräichescher Geschicht ! Den Offizéier Alfred Redl, zweete Mann am Geheimdéngscht vu senger Majestéit dem Keeser Franz Jospeh I hat brisant millitäresch Dokumenter vum Habsburgerräich u Russland, Italien a Frankräich verkaaft. Mam Geld huet e säi Luxusliewen a seng amurös Affaire finanzéiert. Wéi dëse Fall opgeflunn ass, gouf den Oberst Redl an der Nuecht vum 24. op de 25. Mee vun enger Geheimdéngscht-Kommissioun zum Suizid forcéiert. D’Affaire Redl huet deemols kuerz virum éischte Weltkrich d’Donaumonarchie sou staark gerëselt wéi 20 Joer virdrun d’Affaire Dreyfuss Frankräich. Dem Redl säi Selbstmord huet awer verhënnert, datt de Skandal konnt opgekläert ginn, an dowéinst huet de Personnage vill Spillraum fir Mythen a Legenden offréiert, wat sech an deene sëlleche Verfilmunge vum Thema spiggelt. Méi dozou mam Claude Mangen.

Kulturbäitrag

2013-05-24T10:40:00+01:00

Muer um Samschdeg, 25. Mee, huet den däitsche Rock-Sänger Klaus Meine Gebuertsdag: De Frontmann vun der wuel bekanntester däitscher Hard Rock Formatioun kritt nämlech dëse Weekend 65 Joer.
De Mike Tock mat engem Portrait vum Scorpions-Shouter.

Kulturbäitrag

2013-05-24T05:20:00+01:00

E Mëttwoch ass mat “The Big Wedding” eng Famillje-Comédie vum Auteur a Realisateur Justin Zackham mat engem impressionante Cast an eise Kinoen ugelaf.
Den Yves Stephany war de Film kucken.

Kulturbäitrag

2013-05-23T10:40:00+01:00

Entdeckt gouf de Georges Moustaki 1969 mat sengem Couplet “Le Métèque”. Hien ass net nëmmen en Interpret, mä, säi Métier als Instrumentalist, Auteur-compositeur a Poet huet dem Kosmopolit am Laf vu senger laanger Carrière erlaabt deene ganz Groussen aus der Chansonszeen ze begéinen, fir hinnen seng Fieder auszeléinen, dorënner Legende wéi Edith Piaf, Serge Reggiani, Yves Montand oder Henri Salvador.
De Moustaki huet et ëmmer genoss ze reesen; dee ganze Planéit entdecken war fir hien eng Erausfuerderung fir nei interessant Bekannschaften ze maachen an iwwerall op der Welt seng permanent Revolutioun ze sangen ......
Haut de mueren ass de Créateur vun “La Marche de Sacco et Vanzetti” am Alter vu 79 Joer zu Paräis gestuerwen.
D’Christiane Marx mat engem Réckbléck op dem Georges Moustaki seng mouvementéiert Carrière

Kulturbäitrag

2013-05-23T05:20:00+01:00

Haut sinn et 130 Joer hier, datt den amerikanesche Schauspiller Douglas Fairbanks Sr. gebuer gouf. Hien ass eng vun de wichtegste Figuren aus der Stommfilmzäit, an zesumme mat senger deemooleger Fra Mary Pickford, huet hien déi éischt Star-Koppel gebild. Iwwerall wou si opgekräizt sinn, woren d’Leit aus dem Haischen, e Phänomen, deen ee vergläiche ka mat den Emotiounen, déi “Brangelina” haut ausléisen. D’Cléo Thoma zeechent e Portrait vum Douglas Fairbanks.

Kulturbäitrag

2013-05-22T10:40:00+01:00

An der Competitioun um Filmfestival zu Cannes si mëttlerweil iwwert d’Halschent vun de Filmer gelaf, e grousse Favoritt fir d’Palme d’or huet sech awer nach net erauskristalliséiert. Eis Korrespondentin Sylvie Flammang werft e Bléck op zwee Filmer, déi de Moment am Gespréich op der Croisette sinn: Un château en Italie vum Valeria Bruni Tedeschi, a Behind the Candelabra vum Steven Soderbergh.

Kulturbäitrag

2013-05-22T05:20:00+01:00

Di eng verherrlechen de Museker, anerer kënnen seng Musek net héieren. De Richard Wagner huet op alle Fall villes a punkto Musek, mee och a punkto vertounten dramatesche Wierker verännert. Programmmusek mat der Leitmotivtechnik, déi haut nach Filmkomponiste beaflosst, ass och op hien zeréckzeféieren.
De Richard Wagner gouf virun 200 Joer gebuer.
De Manuel Ribeiro mat engem Portrait vun dësem kontroverséierte Museker.

Kulturbäitrag

2013-05-21T10:40:00+01:00

Am Ciné Utopia leeft den Ament "Le Passé", e Film vum iranesche Realisateur Asghar Farhadi, deen iwwregens och um internationale Filmfestival vu Cannes an der Compétitioun fir d'Palme d'Or gelaf ass. D'Cléo Thoma war "Le Passé" hei zu Lëtzebuerg kucken.

Kulturbäitrag

2013-05-21T05:20:00+01:00

Dem schwäizer Schrëftsteller Urs Widmer säi Wierk gehéiert zu der grousser Literatur, an et kann een hien ouni Zweiwel gläichsetze mat den zwee schwäizer Auteure Max Frisch a Friedrich Dürrenmatt.
Den Urs Widmer ass spéitstens zanter ugangs den 90er Joren e renomméierten Auteur, an e wär dat deemools och ginn, wann de “Literatur-Poopst” Marcel Reich-Ranicki dem Widmer säi Wierk “Der blaue Siphon” op der Televisioun virun engem Milliounepublikum net an den Himmel gelueft hätt.
De Reich-Ranicki sot deemools iwwert dem Widmer säi Buch: “Dat muss een einfach liesen”.
Den Urs Widmer feiert haut säi 75. Anniversaire, de Portrait vum grousse schwäizer Schrëftsteller mam Jean Claude Majerus.

Kulturbäitrag

2013-05-20T10:40:00+01:00

Um Stand vum lëtzebuerger Filmfund um Filmfestival zu Cannes war gëschter e Point Presse mam neie Kommunikatiouns- a Medieminister Luc Frieden a mam Direkter vum Filmfund Guy Daleiden.
D'Sylvie Flammang war fir den 100,7 dohinner.

Kulturbäitrag

2013-05-19T16:20:00+01:00

An der Competitioun um internationale Filmfestival vu Cannes si mëttlerweil eng Rëtsch ënnerschiddlech Filmer gelaf, dorënner och déi vun den Habituéen Arnaud Desplechin a Joel an Ethan Coen.
Eis Korrespondentin zu Cannes, d’Sylvie Flammang, seet méi iwwert "Jimmy P." vum Desplechin an "Inside Llewyn Davis" vun de Coen Bridder.

Kulturbäitrag

2013-05-19T10:20:00+01:00

Gëschter Owend war an der schwedescher Stad Malmö d’Final vum Eurovision Song Contest 2013, eng Final bei där 26 Länner ëm d’Eurovisiounskroun an d’Course gaange sinn. Et war eng flott, manner kitscheg Show, wéi déi Jore virdrun an genee dat huet kloer gewisen, dat “manner ganz dacks méi ass”
D’Fro, wien huet den 58. Eurovision Song Contest gewonnen huet, verréit de Jean Claude Majerus.

Kulturbäitrag

2013-05-18T05:20:00+01:00

Den internationale Filmfestival vu Cannes, dat heescht Filmer vun Auteuren aus der ganzer Welt.
D’Organisateuren gesinn de Festival als Reflet vun der internationaler Filmcreatioun a vun de Cineasten hire Preoccupatiounen.
Eis Korrespondentin op der Plaz, d'Sylvie Flammang, huet sech e puer Filmer aus desem Bléckwénkel ugekuckt.

Kulturbäitrag

2013-05-17T10:40:00+01:00

Mat Evil Dead ass e Mëttwoch am Utopolis an am CinéBelval de Remake vun engem Klassiker vum Horror- a Splatter-Genre aus dem Joer 1981 ugelaf. Awer deen neien Evil Dead ass méi wéi just eng opgefrëschte Story. Fir d’Fans vun der Original-Trilogie ass en duerchaus als Fortsetzung vun der Serie mat e puer schneekege Clins d’Oeil ze verstoen.
Den Yves Stephany war e kucken.

Kulturbäitrag

2013-05-17T05:20:00+01:00

Am Geschichtsmusée vun der Stad Lëtzebuerg war gëschter Owend de Vernissage fir eng nei Ausstellung: “Shop Shop Shop” proposéiert, wéi et och am Ënnertitel zur Expo heescht, eng Zäitrees an d’lëtzebuerger Geschäftswelt. Cléo Thoma

Kulturbäitrag

2013-05-16T10:40:00+01:00

Gëschter Moien war am Casino Lëtzebuerg-Forum d’art contemporain eng Pressekonferenz, fir d’ “Invitation aux Musées” virzestellen, déi elo um Päischtweekend, den 18. an 19. Mee, iwwert d’Bühn geet. D’Cléo Thoma war dohinner.

Kulturbäitrag

2013-05-16T05:20:00+01:00

The Great Gatsby vum Baz Luhrman huet gëschter Owend den internationale Film Festival vu Cannes, zwar op engem verreenten Dag, mä mat Glanz a Glamour inaugureiert.
Dem Luhrman säi Film an 3D ass déi véiert Adaptatioun vum amerikaneschen Auteur F. Scott Fitzgerald sengem kuerze Roman iwwert Pomp an Illusiounen am Amerika vun den 1920er Joren.
D’Sylvie Flammang huet de Film mam Leonardo DiCaprio, Tobeye Maguire a Carey Mulligan, deen zäitgleich zu Lëtzebuerg ugelaaf ass, fir eis zu Cannes an der Festival Ambiance gesinn.

Kulturbäitrag

2013-05-15T10:40:00+01:00

Déi franséisch Film- an Televisiounsactrice Mireille Darc huet, wann een noliest, eng impressionant Karriär um groussen a klengen Ecran hannert sech.
Se huet mat ville grousse franséische Schauspiller a Réalisateuren zesumme geschafft.
D’Mireille Darc war wuel als Actrice bekannt, hat awer en éischter rouegt, zeréckgezunnend Liewen.
Déi bekannteste privat Säit vun der Mireille Darc dierft wuel hir Relatioun mam Acteur Alain Delon sinn, mat deem si vu 1968 bis 1983 zesummegelieft huet.
Haut op den Dag feiert d’Mireille Darc hire 75. Anniversaire, e Portrait vun der Actrice mam Jean Claude Majerus.

Kulturbäitrag

2013-05-15T05:20:00+01:00

De 66. Filmfestival vu Cannes gëtt haut den Owend mat der Gala Projectioun vum Baz Luhrman senger Great Gatsby Adaptatioun an 3D inaugureiert. Dës Soiree, mat der berühmter montée des marches, gëtt live am Utopolis iwwerdroen. Muer fänkt dann d'Competitioun ëm déi begierte Palme d'or un, gläichzäiteg ass awer och den Optakt vun de Parallel-Sektiounen an deenen dëst Joer och zwou lëtzebuergesch Koproduktiounen ze fanne sinn. D'Sylvie Flammang mécht en Ausbléck op d'Editioun 2013.

Kulturbäitrag

2013-05-14T10:40:00+01:00

Nodeems de Regisseur J.J. Abrams 2009 deen éischte Star Trek nees verfilmt huet, ass elo den zweeten Deel Into Darkness eraus. An dat nom Motto: nach méi séier, méi grouss, e Blockbuster technesch absolut gutt gemaach, wou d’Handele wéi erwaart méi wichteg ass wéi d’Diskutéieren.

De Manuel Ribeiro war de Film Star Trek: Into Darkness kucken.

Kulturbäitrag

2013-05-14T05:20:00+01:00

Ronn 70 Produktiounen hunn d’Stater Theateren fir déi nei Saison 2013/2014 geplangt, Produktiounen aus de Beräicher Danz, Theater an Oper.
Mat och nees groussen Nimm, déi de Wee op Lëtzebuerg fannen.
Gëschter Moie gouf d’Saison 2013/2014 offiziell virgestallt, ma éier no vir gekuckt gouf, war awer och e Bléck zeréck néideg.
Explikatioune Jean Claude Majerus

Kulturbäitrag

2013-05-13T10:40:00+01:00

Am CinéUtopolis leeft dëser Deeg “The Company You Keep”, deen neie Film vum a mam Robert Redford. D’Cléo Thoma war kucken.

Kulturbäitrag

2013-05-13T05:20:00+01:00

Am Ciné Belval an am Utopolis leeft dës Kinoswoch deen neie Long-métrage vum mexikanesche Réalisateur Guillermo del Toro: "MAMA" steet an der Traditioun vum Grujel, méi wéi an där vum Horrorfilm. De Christian Mosar war de Film kucken.

Kulturbäitrag

2013-05-12T16:20:00+01:00

Am Utopolis leeft dem Philippe Godeau säi Film: “11,6” deen op reellen Tatsaachen berout. Den Toni Musulin eigentlech e serieuxe Geldtransporter, mécht sech
de 5 November 2009 aus dem Stëps mat 11,6 Milliounen Euro.
E ganz ongewéinlechen, rouegen Thriller, ouni Schéissereien a "courses poursuites" an dach ëmmer spannend. Derbäi kënnt deen iwwerzeegende Casting, mat virun allem dem François Cluzet, begleet vum Bouli Lanners an der Corinne Masiero. D'Maggie Steffen mat hirem Kommentar.

Kulturbäitrag

2013-05-12T10:20:00+01:00

Zënter iwwer 50 Joer mécht de briteschen Multi-Instrumentalist a Sänger Steve Winwood Musek, dofir ee vun enger Rock-Museks-Legend schwätzen.
Haut feiert de Steve Winwood, deen a Formatiounen wéi Spencer Davis Group, Traffic a Blind Faith gespillt huet, säi 65 Anniversaire an Ophalen kënnt fir hien net a Fro. Och dëse Summer steet de Steve Winwood nees do, wou hien am léifsten ass, op der Bühn.
E Portrait vum Steve Winwood mam Jean Claude Majerus.

Kulturbäitrag

2013-05-11T05:20:00+01:00

Am Ciné Utopolis leeft zënter dëser Woch “The Company You Keep”, deen neie Film vun a mam Robert Redford. D’Cléo Thoma war kucken.

Kulturbäitrag

2013-05-10T10:40:00+01:00

Am Casino 2000 zu Munneref war gëschter Owend den Optakt vum Festvial Saveurs Culturelles du Monde. E Festival dee mat Live Concerten, Animatiounen, Gastronomie a Konscht d'lescht Joer 9000 Visiteure gelackelt huet. Nieft de Newcomer déi gëschter Owend opgetrueden si wéi d'Band ronderëm de portugisesche Sänger Lata Gouveia an den däitsche Singer Songwritter Kai Sonnhalter, déi iwweregens allebéid excellent gespillt hunn, war de groussen Highlight awer den Optrëtt mat der amerikaneschen Funky Formatiounen Earth, Wind and Fire, déi allerdéngs net sou ëmgerappt hunn, wéi d’Angie Maquil et sech erwaart hat.

Kulturbäitrag

2013-05-10T05:20:00+01:00

Tëscht den Héichhaiser, de Mënschen, dem Kaméidi, dem Trafik an der Hektik zu New York gëtt et zënter 200 Joer eng Oase vun der Rou: de Gramercy Park. An dëse Park dierf awer just deen eran, dee beim Park wunnt an dofir bezilt, natierlech vill Staren. Dofir gëlt de Schlëssel fir an den Gramercy Park als bedeitende Statussymbol. Explikatioune vum Jean Claude Majerus.

Kulturbäitrag

2013-05-09T10:40:00+01:00

Et war eng grouss Iwwerraschung, wéi den däitsche Cineast Florian Henckel von Donnersmarck 2007 mam STASI-Film “Das Leben der Anderen” den Oscar als beschten auslännesche Film gewonnen hat.
D’Filmwelt huet sech vill vun dësem jonken däitsche Cineast, deen haut 40 Joer kritt, erwaart, mä wat koum dono? Explikatioune vum Jean Claude Majerus
.

Kulturbäitrag

2013-05-08T10:40:00+01:00

Kulturbäitrag

2013-05-08T05:20:00+01:00

Wéi de Johannes Brahms 1897 zu Wien gestuerwen ass, goufen a senger Gebuertsstad Hamburg d’Fändelen op Hallefmast gesat. Dëse Geste seet villes iwwert d’Bedeitung an d’Wäertschätzung vum Pianist a Komponist, déi dëse schonn zu Liewzäiten hat. Och haut ass den Intérêt um Brahms senger Musek nach ganz staark.
Zanter den 90er Jore schaffen d’Musekshéichschoul vu Lübeck an d’Gesellschaft der Musikfreunde vu Wien zesummen un enger neier Editioun vum Johannes Brahms sengem Gesamtwierk. Gëschter waren et 180 Joer hier, datt de Komponist gebuer gouf. E Bäitrag vum Guy Engels.

Kulturbäitrag

2013-05-07T10:40:00+01:00

De Moien huet d’Fondation Servais matgedeelt, datt de Gewënner vum Servais-Präis 2013 de lëtzebuerger Pol Greisch ass. Den Acteur, Dramatiker an Auteur kritt dee mat 6000 Euro dotéierte Servais-Präis fir säin aktuelle Roman “De Monni aus Amerika”, erauskomm am “UltimoMondo”-Verlag.
De Servais-Präis éiert schonn zënter 1992 déi beschte literaresch Publikatioun vum Joer. De Pol Greisch kritt dee Präis, no 1993, iwwregens scho fir déi 2. Kéier.
Explikatiounen Jean Claude Majerus.

Kulturbäitrag

2013-05-07T05:20:00+01:00

Am Ciné Utopia leeft den israeleschen Drama FILL THE VOID, dee schonn um Programm vum desjähregen DISCOVERY-ZONE Filmfestival stoung. De Christian Mosar hat sech do mat der Realisatrice Rama Burshtein ënnerhalen a kënnt mat enger Kritik op hire Film zeréck.

Kulturbäitrag

2013-05-06T10:40:00+01:00

Leschte Mëttwoch ass am Utopia den Documentaire “The Imposter” vum britesche Realisateur Bart Layton ugelaf. De Film krut eng ganz Rëtsch Präisser op internationale Filmfestivalen. Den Yves Stephany fënnt allerdéngs, datt d’Geschicht vun engem jonke Fransous, dee sech als een Aneren ausgëtt, méi hierginn hätt.

Kulturbäitrag

2013-05-06T05:20:00+01:00

An engem Land voller Diversitéit - Kasten, Reliounen, Sproochen, Iessen - gëtt et een Element dat alles verbënnt: Bollywood.
Bollywood ass d’Dramwelt vun den Inder an der zanter 100 Joer dat Gutt iwwert dat Béist gewënnt, an et ass di produktivst Filmindustrie vun der Welt.
D’Sylvie Flammang seet méi iwwert 100 Joer Dramwelt vun engem Kontinent.

Kulturbäitrag

2013-05-05T16:20:00+01:00

Hien ass Acteur, Auteur, Reesjournalist a fréiere President vun der Royal Geographical Society, an hie war ee vun de MONTY-PYTHON: de Michael Palin.
Bei de Monty Python war hien den Acteur fir Rollen, fir déi entweder iwwerdriwwenen Enthousiasmus verlaangt gouf, oder eng bal stoesch Rou.
E Portrait vum Ex-Monty Python, deen haut säi 70. Anniversaire feiert, mam Jean Claude Majerus.

Kulturbäitrag

2013-05-05T10:20:00+01:00

Haut ass den 200. Gebuertsdag vum dänesche Philosoph Sǿren Kierkegaard, dee vun 1813 bis 1855 gelieft huet. D’Cléo Thoma versicht sech un engem Portrait vun dësem publizéierfreedegen Auteur.

Kulturbäitrag

2013-05-04T05:20:00+01:00

Am Utopia leeft eng nei Comédie : La cage dorée vum Ruben Alves. Säit 30 Joer lieft eng sympatesch portugiesesch Koppel zu Paräis, an huet 2 grouss Kanner. D’Maria, alias Rita Blanco, ass Concierge an de José, gespillt vum Joaquim de Almeida, schafft um Bau. Béid si flichtbewosst, eierlech an hëllefsbereet. Mä elo sollen se zréck a Portugal, well se do geierft hunn a räich gi koënnen, mä ënner der Bedingung, och nees do ze wunnen. En Dilemna. Dir héiert dem Maggie Steffen säi Kommentar zu dëser agreabler Comédie fir grouss a kleng.

Kulturbäitrag

2013-05-03T10:40:00+01:00

Am Utopia leeft eng Kinos-Adaptatioun vum Bernhard Schlink sengem Roman “Das Wochenende” iwwert e fréieren RAF-Terrorist, deen no laanger Zäit am Prisong erauskënnt a mat senge Frënn a Kollege vu fréier konfrontéiert gëtt.
Den Yves Stephany war sech “Das Wochenende” ukucken.

Kulturbäitrag

2013-05-03T05:20:00+01:00

Hien huet Uergel, Piano, Gittar a Batterie gespillt, ass awer meeschtens als Sänger an Dänzer opgetrueden an e war Bandleader a Museksproduzent.
Duerch seng Leeschtung a säin Afloss virun allem am Rythm and Blues an am Soul an als Inventeur vun engem nei Soul-Stil an zwar dem FUNK, gehéiert hien och zu de bedeitendste Museker vum 20. Joerhonnert, den James Brown.
Haut op den Dag hätt den James Brown 80 Joer kritt.
Mä d’Nouvelle koum am Joer 2006 op Krëschtdag, moies géint 9 Auer, datt de Godfather of Soul, de Mister James Brown gestuerwen ass.
An haut op sengem 80. Anniversaire e Portrait vum Soul-King mam Jean Claude Majerus

Kulturbäitrag

2013-05-02T10:40:00+01:00

De 25. Abrëll 1983 hat den däitschen Noriichtemagazin «Stern» zu Hamburg op eng international Pressekonferenz invitéiert, wou d’Chefredaktioun vum «Stern» 250 Journaliste mat der présuméierter Medie-Sensatioun vum Joerzéngt ugelackelt huet.
De «Stern»-Journalist Gerd Heidemann huet deemools dem Hitler seng geheim Tagebiicher der Weltpress presentéiert, an déi Responsabel vum Magazin hunn annoncéiert, datt doduerch d’Geschicht vum Nazi-Staat a groussen Deeler misst nei geschriwwe ginn.
Schlussendlech huet dat ganzt sech awer als eng riseg Fappe eraus gestallt.
Explikatioune Jean Claude Majerus.

Kulturbäitrag

2013-05-02T05:20:00+01:00

Dëser Deeg feiert de Bande Dessinée’s Personnage Spirou seng 75 Joer. De Groom mat de rouden Hoer, an deem hautesdaags vläicht liicht almoudesche Kostüm, huet trotz sengem respektabelen Alter keng Fale kritt, a schéngt och gutt Chancen ze hunn, an engem weidere Véirelsjoerhonnert säi Centenaire kënnen ze feieren, an och dann nach ëmmer bekannt a beléift ze sinn. D’Cléo Thoma mat engem Portrait.

Kulturbäitrag

2013-05-01T10:40:00+01:00

Kulturbäitrag

2013-04-30T10:40:00+01:00

Kulturbäitrag

2013-04-30T05:20:00+01:00

“Schriftstellerinnen entdecken” ass den Titel vun där drëtter Publikatioun aus der Serie “KeK – Kinder entdecken Künstlerinnen”, déi de Cid-femmes zesumme mam Educatiouns-Ministère erausbréngt, an déi sech virun allem un Enseignanten aus der Grondschoul riicht.
Den Yves Stephany war gëschter op d’Pressekonferenz.

Kulturbäitrag

2013-04-29T10:40:00+01:00

De Klaus Voorman ass en däitscher Museker a Grafiker, an nach dierft dësen Numm deene meeschte net vill soen.
De Bassist Klaus Voorman huet awer mat ville Musekslegenden zesumme gespillt, mat John Lennon, Paul McCartney, Eric Clapton oder och nach Cat Stevens. Mä esou war de Klaus Voorman eben, en ass léiwer diskret am Hannergrond bliwwen.
De grousse Frënn vun de Beatles, dee fir d'Realisatioun vun engem Plackecover fir déi 4 Borschten vu Liverpool e Grammy gewonnen huet, feiert haut säi 75. Anniversaire.
De Portrait mam Jean Claude Majerus.

Kulturbäitrag

2013-04-29T05:20:00+01:00

Am Utopia ass dës Woch eng Kinos-Adaptatioun vum Bernhard Schlink sengem Roman “Das Wochenende” iwwer e fréieren RAF-Terrorist ugelaf, deen no laanger Zäit am Prisong erauskënnt, a mat senge Frënn a Kollege vu fréier konfrontéiert gëtt.
Den Yves Stephany war sech “Das Wochenende” ukucken.

Kulturbäitrag

2013-04-28T16:20:00+01:00

Mat “Il est cinq heures, Paris s’éveille” huet de Jacques Dutronc - de Sänger mat der séiss-batterer Ironie - eng vun den Haapt-Chansonen vun de lëschte 50 Joer realiséiert. Fir seng Interpretatioun vum Vincent Van Gogh am Kino ass hie mam César vum beschten Acteur ausgezeechent ginn. Dem Dutronc seng Carrière ass roueg, markéiert vun triumphale Comebacken.

D’Christiane Marx mat engem Portrait vum “Mann mat der Zigar, dem däischtere Sonnebrëll an dem perfekten Dandy-Look”

Kulturbäitrag

2013-04-28T10:20:00+01:00

Bei Geleeënheet vu sengem neien Album “Vengeance” ass de Benjamin Biolay zënter Mäerz a ganz Frankräich op Tournee. Wéi virun 3 Joer huet de “Pop-Dandy a Pygmalion vun der neier franséischer Chanson” och eng Etapp zu Lëtzebuerg gemaacht; dës Kéier am klengen intime Kader vum Atelier amplaz vun der Rockhal.
D’Christiane Marx huet sech ënnert de gespaante Public gemëscht an e puer Impressiounen vum Concert matbruecht.

Archiv

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag

Kulturbäitrag