Iwwer de Weekend sinn uechter d‘ganzt Land Zéngdausende Mënschen op d‘Strooss gaange fir géint geschlechtsspezifesch Gewalt ze demonstréieren, Mat derbäi och de Premierminister selwer. De Moien huet hien ugekënnegt, fir mat de Regierungscheffe vun allen australesche Bundesstaaten an Territoiren iwwer Léisunge wëllen ze diskutéieren.
Australien steet nämlech ënner Schock, zanter datt Mëtt Abrëll e 40 Joer ale Mann an engem Akafszenter zu Sydney 6 Mënschen ëmbruecht hat, dorënner 5 Fraen. Säi Papp sot spéider, säi Jong wier frustréiert gewiescht, well hie keng Frëndin gehat hätt.