Live vu Saarbrécken: Concert "Böhmische Landschaften"

Dirigent Tomas Braun web.jpg
Den tschecheschen Dirigent Tomáš Brauner
Funkhaus um Halberg

 

Deutsche Radiophilharmonie spillt Dvořák: E Concert, deen den SR2 KulturRadio an de radio 100,7 e Sonndeg, den 23. Abrëll, um 11:00 zesummen aus dem Funkhaus um Halberg zu Saarbrécken iwwerdroen.

Fir hiren nächste Studio-Concert um Halberg zu Saarbécken huet d'Deutsche Radiophilharmonie Saarbrécken-Kaiserslautern den tschecheschen Dirigent Tomáš Brauner engagéiert. Den Tomáš Brauner ass de Chefdirigent vum Philharmoneschen Orchester vu Pilsen. Hien huet e Programm mat Wierker vu sengem Landsmann Antonín Dvořák zesummegestallt. Den Antonín Dvořák ass sonner Zweiwel dee bedeitendsten tschechesche Komponist aus dem 19. Joerhonnert. A senger Musek gräift hien ëmmer nees op Motiver aus der béimescher Volleksmusek zréck. Dat bekanntst Beispill si seng slawesch Dänz, déi de Komponist op Ureegung vum Johannes Brahms komponéiert huet.

E slaweschen Hauch huet och dem Dvořák seng 6. Symphonie, déi den Tomáš Brauner den 23. Abrëll als Haaptwierk dirigéiert. D’Symphonie war eng Commande vun de Wiener Philharmoniker, gouf awer schlussendlech zu London uropgefouert. Fir den Antonín Dvořák war et den definitiven internationalen Duerchbroch. Nieft der 6. Symphonie stinn och nach déi symphonesch Ouverture Hussitenlied an de Concerto fir Gei an Orchester a la Mineur um Programm. Solist ass de Jan Mráček.

Programm

Dossieren

  • CinÉast 2017

    Schonn déi zéngten Editioun vum Lëtzebuerger Filmfestival, deen e breede Panorama vum "Art et essai"-Kino aus Mëttel- an Osteuropa bitt. Eng 100 Projektioune vu Wierker aus 19 europäesche Länner.

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

Communiquéen

  • Literaturlabo 7: Bilan

    En Donneschdeg, 7.12. um 19:00 am Institut Pierre Werner

  • Offre d'emploi

    L'Etablissement de Radiodiffusion Socioculturelle recrute un(e) technicien(ne) radio.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen