De radio 100,7 iwwerdréit den 22. September um 20:00 Auer de Concert live aus der Philharmonie um Kierchbierg.
Fir d'éischt an der Philharmonie: Bryn Terfel a seng "bad boys"
De Philharmoneschen Orchester Lëtzebuerg a säi Chefdirigent Gustavo Gimeno hu fir d'Ouverture vun der neier Saison eng vun de grousse Stëmmen aus eiser Zäit invitéiert: De Sir Bryn Terfel.
De walisesche Bassbariton ass op alle Bühnen doheem, besonnesch déi international. Den 22. September ass säin Debut an der Philharmonie.
Wéi d'Spréchwuert et scho seet: An der Oper spillt de Bariton ëmmer dee Béisen. De Bryn Terfel huet dat 2009 mat sengem Album Bad Boys op d'Spëtzt gedriwwen. Do hunn nämlech all déi wéischt Charakteren aus der Opereliteratur hir Plaz fonnt: De Scarpia, de Mackie Messer, den Otello ... Eng Rëtsch där béis Jonge bréngt de Bryn Terfel och mat op Lëtzebuerg. Dernieft spillt den OPL déi 3. Sinfonie vum Johannes Brahms a completéiert domat den Optakt an den Hierscht.
