radio 100,7 op der Nuit des Lampions

Nuit des Lampions-3.jpg
Wolz

Live vu Wolz: Generator an E-Lodie Spezial

Den 23. September invitéiert déi sozial-kulturell ASBL "Cooperations" op déi zéngten Editioun vun der Nuit des Lampions.

Dëst Joer gëtt fir déi éischte Kéier den Amphitheater mat als Bühn agebonnen, fir Neientdeckungen aus der Musekszeen. Dorënner britesch Formatioune wéi Theme ParkPIXX. Awer och Lëtzebuerger Gruppe si vertrueden, dorënner Napoleon Gold. Donieft kann de Public Theater-, Konscht-, Danz-, Zirkus- a Liichtspektakel entdecken, déi verschidde Sënner uspriechen. Am Spektakel "Invasion" zéie riseg Béischten aus prehistoreschen Zäiten duerch d'Stroosse vu Wolz.

Den Jamie Reinert an d'Fanny Kinsch sinn op der Plaz an ënnerhale sech mat spannenden Invitéen. Den Tom Dockal, aka Disco Dockal, ënnerleet dat Ganzt mat enger exotescher, musikalescher Selektioun. Duerno geet et mat engem E-Lodie Spezial live Set weider, an deem de Richard Heinemann seng experimentell Electro-Museksentdeckunge mixt. Dat Ganzt live op der Nuit des Lampions, z'empfänken op 100,7 MHz a 95,9 MHz am Norde vum Land.

 

Net verpassen

  • Suicidegefor am Alter: En Tabuthema

    Suicidegefor am Alter

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen