Medezin MSH: Spidols- a liberal Medezin si komplementar

D'Associatioun vun de salariéierte Spidolsdokteren (MSH) plädéiert fir e gesonde Mix tëscht Spidols- a liberaler Medezin, fir eng gutt Gesondheets-Versuergung am Land ze garantéieren. Hire Vize-President den Dokter Jean Reuter sträicht d'Complementaritéit vu béide Forme vu Medezin ervir.

Maurice Molitor (Interview) / Chris Zeien (Web)

Jean Reuter

D'MSH huet dofir och kee Problem mam sougenannte "virage ambulatorie", also dem Plang fir ëmmer méi Behandlungen ambulant an dezentrale Strukturen unzebidden, fir eng adequat Prise en charge iwwer d'ganzt Land unzebidden. Dat däerft just net dozou féieren, datt d'Spideeler geschwächt ginn, sou den Dokter Jean Reuter. Dofir wier et wichteg - sou wéi d'Regierung et och plangt - op e Lien vun deenen ambulante Strukture mat engem Spidol ze bestoen.

"Wat eis ganz wichteg ass, ass, datt mer net an e System komme wou mer net eng 2-Klasse-Medezin hunn, mee zwou Klasse vun Dokteren. Engersäits Dokteren, déi am Spidol schaffen, Gardë maachen, Nuetsdéngschter, 365 Deeg am Joer 24 Stonne mussen disponibel sinn, déi schwéier Medezin maachen, déi awer ënner Ëmstänn vun der Tarifikatioun hir net esou interessant ass. An een op där anerer Säit an ambulanten Zentre ka vu méindes bis freides schaffe vun 8 bis 5, an eng ganz interessant Tarifikatioun hunn."

An der Mediathéik:

Lauschteren

Méi zum Thema

Paulette Lenert
IRM zu Gréiwemaacher

Den IRM um Potaschbierg géif ouni legal Basis agesat ginn, seet d'Paulette Lenert. En IRM dierft just an Zesummenaarbecht mat engem Spidol exploitéiert ginn - op déi Pist wéilt een zesumme mam radiologeschen Zenter goen.

IRM
Medezineschen Akt

D'Bedreiwer vum IRM um Potaschbierg soen hire Patienten, si kréichen déi ronn 160 Euro vum medezineschen Akt rembourséiert. Dat sot eis den Dokter Frédéric Hencks, deen d'Praxis zu Gréiwemaacher leed.

Net verpassen

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen