Ainhoa Achutegui: "Feminismus ass och en Engagement vu Männer"

Ainhoa-Achutegui-1024x682.jpg

Wiessel un der Spëtzt vum Planning Familial a.s.b.l., nei Presidentin ass vun dësem 3. Februar un d'Ainhoa Achutgegui. Genee wéi hir Virgängerin Danielle Igniti, déi de Planning zwee Joerzéngte geleet huet, ass och d'Ainhoa Achutegui haaptberuflech am kulturelle Beräich aktiv, nämlech als Directrice vum CCRN (Centre Culturel de Rencontre Abbaye de Neumünster). Hire benevolen Engagement beim Planning Familial huet si als Invitée vum Dag um 100,7 mat Parallelen an hirer Famill explizéiert. Hir Mamm, a vrun allem eng Tata wore ganz staark an der nämmlechter Cause an hirer Heemechtstad Caracas engagéiert. Et ass eng zousätzlech Erausfuerderung, déi di nei Presidentin eegenen Aussoen no gär ugeholl huet, ëmsou méi well si dobäi hir Iddien an Iwwerzeegungen als Feministin kéint abréngen. Dozou gehéiert och, an absolut prioritär, déi ganz Problematik vun der "Leihmutterschaft" ... ee Kand ass nämlech keng "marchandise", wéi d'Ainhoa Achutegui bei äis op der Antenn am Interview ënnerstrach huet.

De ganzen Interview vum Gilles Wunsch mat der neier Presidentin vum Planning Familial:

Programm

Net verpassen

  • Riicht eraus: Wéi eng Press(ehëllef) fir Lëtzebuerg?

    Riicht eraus

    Am Joer 2020 eng Zeitung erauszebréngen ass net einfach. Déi geschriwwe Press ass wéinst dem Internet an neie Gewunnechte vun de Lieser a Lieserinne mat enger Baisse vun de Verkafszuele a vum Ëmsaz konfrontéiert.

Dossieren

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun hire Bierger? Mir weise konkret Beispiller.

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen