“Aktiounsbündnis Cannabis” fuerdert Legaliséierung

Fir d’Populatioun an d’Politik iwwert Cannabis opzeklären hunn d’Jonk Demokraten, déi jonk Gréng, déi Jonk Lénk an di jonk Piraten den “Aktiounsbündnis Cannabis” an d’Liewe geruff. An den Ae vun de 4 Jugendorganisatioune vu Parteien, ass Cannabis eng Drog wéi Alkohol, déi besser bekämpft gëtt wann se legal ass.

Ugeschwat op d’Positioun vun der Regierung, d’Legaliséierung vu Cannabis wier keng Prioritéit, sot de Michael Agostini vun der JDL: "20.000 Mënsche konsomméieren zu Lëtzebuerg Cannabis an esou eng signifikativ Zuel kann ee net ignoréieren".

D’Gina Arvai vun déi Jonk Gréng sot hirersäits "Jo, d’Regierung huet vill aner Prioritéiten, mee et muss een hier weisen, datt de Sujet Cannabis och enorm wichteg ass."

Net mat dobäi am Aktiounsbündnis sinn d'CSJ an d'JSL. D’Jonk Sozialiste si fir d’Legaliséierung vu Cannabis mee wéinst enger Patt-Situatioun am Nationalbüro wéilt een d’Fro nach eng Kéier um Kongress am Fréijoer klären, esou de President vun der JSL, de Sammy Wagener op Nofro hin. D’CSJ, déi ass hirersäits géint d’Legaliséierung.

De Bäitrag vum Francois Aulner:

 

Den Interview mam Michael Agostini (JDL):

 

Den Interview mam Gina Arvai (jonk Gréng).

Programm

  • E-Lodie

  • On air

    Notturno

  • Virum Dag

  • Noriichten

  • Moies-Magazin

Dossieren

  • Sozialwahlen 2019

    Am Mäerz si Sozialwahlen. A ronn 3.500 Betriber, an deene méi wéi 15 Leit schaffen, ginn d'Personaldelegatioune bestëmmt. An déi 60 Vertrieder an der Salariatskammer ginn nei gewielt.

  • Pierre Werner

    "Pierre Werner, e Mënsch a sengem Joerhonnert" ass eng nei Podcast-Serie, déi de radio 100,7 zesumme mam Center for Contemporary and Digital History vun der Uni.lu entwéckelt huet.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen