Iwwerraschung bei der Medienopsiicht ALIA-Direkter kritt Mandat net verlängert

De Romain Kohn, Direkter vun der Medien-Opsiicht ALIA, kritt säi Mandat - dat Enn des Mount ausleeft - net d'office verlängert. Dat confirméiert de President vum ALIA-Verwaltungsrot, den Thierry Hoscheit. D'Decisioun fir de Posten auszeschreiwen wier de Moien an enger Sëtzung vum Verwaltungsrot gefall.

Jean-Claude Franck / Serge Kesseler / Christiane Kleer / cz

Romain Kohn
Romain Kohn

Iwwer d'Grënn wëllt den Thierry Hoscheit bis op Weideres näischt soen. Hien dementéiert, datt déi Entscheedung a Relatioun wier mat der Affär ronderëm d'Europa-Wahl-Spotte bei RTL. RTL hat jo ufangs refuséiert Spotten op Franséisch ze diffuséieren. Doropshin hat d'ALIA eng Instruktioun opgemaach, déi awer fale gelooss gi war, nodeems RTL sech ëmdecidéiert hat.

D'ALIA wier onofhängeg, ënnersträicht den Thierry Hoscheit. Et wier eng reng intern Decisioun vun de fënnef Membere vum Verwaltungsrot. Et wier näischt vu baussen diktéiert ginn. Membere vum Conseil vun der ALIA sinn nieft dem Thierry Hoscheit d'Valérie Dupong, d'Claude Wolf, de Marc Glesener an de Luc Weitzel. Alle Fënnef waren de Moie fir d'Decisioun vertrueden.

Den Direkterposte soll sou séier wéi méiglech ausgeschriwwe ginn, esou de President Thierry Hoscheit. Et wier onwahrscheinlech, datt bis Enn Mee en neien Direkter fonnt wier. Et leeft bei der Medienopsiicht ALIA also op eng Interimsphas ouni Direkter eraus. De Romain Kohn ass zanter Juni 2014 Direkter vun der ALIA.


Update vum 14. Mee

De Staats- a Premierminister Xavier Bettel gouf mat engem Bréif vum Thierry Hoscheit, President vun der ALIA, doriwwer informéiert, datt dem Direkter vun der Iwwerwaachungsautoritéit Romain Kohn säi Mandat no Enn Mee net verlängert gëtt.

Zu de Grënn fir dës Entscheedung wollt de Staatsministère näischt soen: d'ALIA wier eng onofhängeg Autoritéit, heescht et als Begrënnung. Kee Kommentar vum Ministère gëtt et och zur Tatsaach, datt de Verwaltungsrot vun der ALIA dës Decisioun während der aktueller Campagne fir d'Europawahle geholl huet: eng Campagne, déi d'Autoritéit eng éischte Kéier iwwerwaacht.

Méi zum Thema

Thierry Hoscheit
Europwahlen 2019

Den ALIA-President Thierry Hoscheit weist sech zefridden, datt RTL elo awer Wahlspotten op Franséisch diffuséiert. Aus dem Sträit wëllt d'Medienautoritéit eng Léier zéien.

Jean-Claude Franck
Europawahlen 2019

A knapp dräi Méint sinn Europawahlen. D'Mediecampagne vun RTL an 100,7 wäert vum onofhängege Superviseur ALIA iwwerwaacht ginn. Den 100,7-Chefredakter erkläert, wat dat fir de radio 100,7 bedeit.

l'essentiel radio.jpg
L'Essentiel Radio

Mëtt Februar soll zu Lëtzebuerg en neie franséisch-sproochege Radiosender op Antenn goen – eng Première. Wéi ass et dozou komm? Virun allem stelle sech Froen iwwert d'Bedeelegung vun RTL.

alia.jpg
Medien

D'RTL-Mammenhaus CLT-UFA iwwerhëlt e Véirel vun der Bedreiwergesellschaft vu "L'essentiel radio": Confirmatioun vun der Autorité luxembourgeoise indépendante de l’audiovisuel ALIA.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen