Liewen am Terror-Staat Alpdram zu Raqqa

Et ass schwéier un Informatiounen aus der Haaptstad vum IS ze kommen. D'Journalistin Laila Ben Allal ass spezialiséiert op Dschihadismus. Si beschäftegt sech am Detail mat der Situatioun zu Raqqa.

Charlotte Bruneau / ys

Laila Ben Allal
Leila Ben Allal

D'Laila Ben Allal ass eng belgo-marokkanesch Journalistin a Fotografin, spezialiséiert an de Beräicher Dschihadismus an islameschen Extremismus. Mee si interesséiert sech och fir d'Liewe vun de Familljen, déi e Familljemember am syresche Krich verluer hunn.

Opklärung fir potentiell Dschihadisten

D'Laila Ben Allal huet no den Attentater zu Paräis an zu Bréissel ugefaangen, sech méi am Detail fir d'Realitéit zu Raqqa z'intresséieren. Raqqa ass d'Stad am Norde vu Syrien, déi 2013 zur de-facto-Haaptstad vun der Terrormiliz "Islamesche Staat" (IS) gouf. Potentiell Dschihadisten, oder Mënschen, déi Attentater an europäesche Groussstied ausüben, géife meeschtens net realiséieren, wéi d’Realitéit an den IS-besate Gebitter wierklech wär, erkläert d'Leila Ben Allal. "Et gi keng Villaen a keng Piscinnen zu Raqqa".

Et wär och e mentale Krich: Soulaang et Mënsche géife ginn, déi un d'Lige vum IS gleewen, géif d'Terrororganisatioun Muecht behalen, well weider Jugendlecher vum Dschihad ugezu géife ginn.

D'Terrormiliz wëll d'Stad dicht maachen

Duerch d'Ae vu Flüchtlingen, déi aus der Stad konnte fortlafen, géif d'Liewen zu Raqqa awer vill méi schro ausgesinn. Raqqa wär en Alpdram. Et wär net genuch do fir z'iessen, Frae wäre ganz hire Männer ënnerworf, Sex-Sklave wären Normalitéit, a Mënsche géife gekäppt fir banal Grënn. Zum Beispill, well si op d'Mier gefuer wären. Op der Plage kéint ee Saache maachen, déi net der IS-Doctrine entspriechen. Näischt wär erlaabt, sou d'Laila Ben Allal.

Op dës Manéier wéilt d'Terrorgrupp verhënneren, datt Mënschen an Informatioun aus der Stad géifen erauskommen. "Si wëllen net, datt d'Welt weess, wat zu Raqqa geschitt, fir d'Ënnerstëtzung, déi sinn nach zu Raqqa an dobaussen hunn, net ze verléieren."

Schwaarz Lächer vun der Informatioun

D'Welt miss méi iwwert Raqqa gewuer ginn, sou d'Journalistin. Mee d'Geschichte vun de Flüchtlingen, déi aus der Stad erauskomm sinn, wäre schwéier ze kréien. "Déi, déi nach Familljememberen zu Raqqa hunn, wëllen aus Angscht net schwätzen." Trotz de Schwieregkeete wär et awer eng Responsabilitéit vun de Medien, och iwwert déi Leit ze schwätzen, déi vergiess géife ginn.

Déi éischt Affere vun der Terrormiliz wären déi, déi an dës schwaarz Lächer vun der Informatioun eragezu ginn, an hannert de Kulisse vum IS-Wahnsinn fir ëmmer verschwannen.

An der Mediathéik:

Invité vum Dag / / Charlotte Bruneau
Lauschteren

Méi zum Thema

frites.jpg
Europa

Ee Mount no den Attentater zu Bréissel war e Sonndeg eng Manifestatioun géint den Haass. D'Manifestanten hunn op d'Gefore vun enger gespléckter Gesellschaft opmierksam gemaach. Dovun ass ganz Europa betraff.

GetFileAttachment.jpg
Syrien

D'Terrormiliz "Islamesche Staat" gouf de 27. Mäerz aus der historescher Stad Palmyra verdriwwen. Wierklech een "Enn vum Kultur-Terror"?, freet d'Valerija Berdi an engem Meenungsbäitrag.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Resonanzen

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen