No Tornado am Süde vu Lëtzebuerg Arméi mobiliséiert, Regierungsrot kënnt beieneen

19 Leit goufen de Freideg beim Passage vum Tornado iwwer Péiteng a Käerjeng blesséiert. Dat ass en neie Bilan, deen de Samschdeg de Moien op enger Pressekonferenz zu Käerjeng vum Aarbechtsminister Dan Kersch an dem Direkter vum CGDIS, dem Paul Schroeder, genannt gouf.

Pierre Reyland / Sophie Morang / Chris Zeien

PK no Tornado

De Bäitrag vum Pierre Reyland:

Lauschteren


Zwou Persoune sinn nach hospitaliséiert, eng dovunner wier an engem kriteschen Zoustand, no engem Häerzinfarkt. 80 bis 100 Haiser wieren aktuell an den zwou Gemengen net bewunnbar, 60 Leit hu misse relogéiert ginn.

De Plan intemperies gouf declenchéiert fir finanziell Hëllef séierst méiglech kënne fräizesetzen. Déi absolutt Prioritéit wier elo fir d'Haiser ze securiséieren, fir datt d'Leit séier nees kéinten zeréckgoen. Och déi beschiedegt Héichspannungsleitunge géifen elo séier securiséiert a gefléckt ginn, sou den Aarbechtsminister Dan Kersch a Vertriedung vun der Inneministesch Taina Bofferding.

Foto: CGDIS-Twitter-Account

D'Police wier verstäerkt am Asaz fir ze verhënneren, datt et zu Déifställ kënnt an och d'Arméi wier mobiliséiert ginn, fir bei den Opraumaarbechten ze hëllefen. De Regierungsrot soll haut iwwregens zesummekomme fir iwwer weider Mesuren ze diskutéieren.

Haut bleiwe vill Geschäfter zu Käerjeng dowéinst zou. An och de Rond Point Biff ass bis op Weideres gespaart.

D'Regierung huet eng Informatiounsversammlung fir déi betraffe Bierger vu Käerjeng a Péiteng ugekënnegt. De Grand-Duc Henri wëllt sech de Mëtteg op der Plaz e Bild vun der Situatioun maachen.

De Premierminister Xavier Bettel an d'Inneministesch Taina Bofferding hätten hir Vakanz ofgebrach a wieren um Wee op Lëtzebuerg.

Méi zum Thema

Käerjeng 1
Schwéier Onwiederen

Beim Passage vun engem Tornado, deen de Freideg schwéiere Materialschued am Raum Péiteng gemaach huet, goufe 14 Leit blesséiert. Um hallwer 3 an der Nuecht waren der nach zwee vun hinnen hospitaliséiert, deelt d'Regierung mat.

Opraumen no Tornadoen zu Péiteng
Tornadoen

Bei de schwéieren Onwiederen am Süde vum Land sinn am Ganze siwe Persoune blesséiert ginn, eng dovu méi schlëmm. Dat schreift de CGDIS an engem Communiqué um néng Auer de Freideg den Owend.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen