USA Ass de Beto O'Rourke deen neien Obama?

De Beto O'Rourke ass zanter leschter Woch ee vu 16 Demokraten, déi 2020 dem Donald Trump seng Plaz am Wäissen Haus wëllen huelen. Den Texaner ass direkt zu engem neie Favorit vun den Demokrate ginn. Op der Sich no engem neien Obama, deen d'USA nees kéint an déi lenk Spuer leeden, ass den O'Rourke déi nei jonk Hoffnung.

Philipp Crowther / cz

Beto O'Rourke
Foto: npr / AP / Richard W. Rodriguez

Sechs Joer laang war de Beto O'Rourke am amerikanesche Representantenhaus, sechs Joer, an deene keen op hien opmierksam gouf. Eng fréier Mataarbechterin vun him am Kongress sot mir, datt seng héchst Ambitioun war Buergermeeschter vu senger Heemechtsstad ze ginn. Mee dat huet sech alles mat de Midterm-Wahlen am November 2018 verännert.

De Beto O'Rourke wollt de Sëtz am Senat vum Ted Cruz, e Sëtz, dee fest a republikaneschen Hänn war. Keng Change sollt den O'Rourke hunn, mee just ganz knapps huet hien am Endeffekt verluer. Milliounen Texaner a Milliounen Dollar u Spenden hätten et bal erméiglecht. Datt Texas, de republikaneschsten US-amerikanesche Bundesstaat kéint en Demokrat wielen, war op eemol keng Fantasie méi. Seng onkonventionell Aart a Weis, seng Oppenheet vis-a-vis vun de Wieler an de Medien, alles huet gepasst.

En neien demokrateschen Held war gebuer, fir eng Partei, déi nom nächsten Held sicht. Jonk soll e sinn, dee Mann, deen den Donald Trump soll aus dem Wäissen Haus erausgeheien. Et kann och eng Fra sinn, en Afro-Amerikaner, un Diversitéit feelt et den Demokraten dës Kéier net. Elo ass de 46 Joer jonken Texaner Kandidat fir d'Wäisst Haus.

Den O'Rourke schwätzt net esou gär iwwer den aktuelle President, mee den Donald Trump schwätzt gär iwwer seng potentiell Géigner bei den nächste Wahlen.

Den Trump gouf am Oval Office gefrot, wie fir hien e méi schlëmme Géigner wier, de Beto O'Rourke oder de fréiere Vize-President Joe Biden. Den Donald Trump behaapt, et wier him egal. Op Fox News gëtt den O'Rourke ridiculiséiert.

De groussen Ufank vu senger Campagne feiert den O'Rourke den 30. Mäerz zu El Paso, senger Heemechtsstad. Dat ass genee op der Grenz mat Mexiko. Den O'Rourke seet, hie wéilt d'Mauer am léifsten ofrappen. Dat ass de symbolesche Kontrast mat deem Mann, deen eng vill méi grouss Mauer op der ganzer Grenz wëllt bauen.

An der Mediathéik:

Aktuelles / / radio 100,7 Philip Crowther
Lauschteren

Méi zum Thema

Philip Crowther Analys
US-Republikaner

De Stëllstand vu villen amerikanesche staatlechen Institutioune geet weider. De Grond dofir ass d'Iddi, eng Mauer op der Grenz mat Mexiko ze bauen. D'Republikaner stäipen dem Trump do de Réck.

Philip Crowther
Ausbléck

2019 kéint fir den US-amerikanesche President en ongemittlecht Joer ginn. D'Demokrate kënnen den Donald Trump dëst Joer ënner Drock setzen. Och d'Ermëttlunge vum Robert Mueller kéinten dem US-President geféierlech ginn.

Jamal KhASHOGGI
Verschwonnene Journalist

D'Enquête vu Saudi-Arabien soll zouginn, datt de Khashoggi virun zwou Wochen ausgefrot gouf an am Kader vun engem Verhéier, wat schif gaangen ass, ëm d'Liewe koum. D'Trump-Regierung huet eng Enquête gestart.

Margrethe Vestager
Steierpolitik

Eng Rei US-Konzerner kréien an der EU reprochéiert, si hätte vu Steier-Rulinge profitéiert. Dat kënnt zu Washington net gutt un. Der Europäescher Unioun gëtt virgehäit, si wier parteiesch.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen