Auslännerwahlrecht: CSV dergéint, CSJ derfir

D’Vertrieder vun der Chrëschtlech Sozialer Jugend hunn sech gëschter beim CSV-Nationalrot fir d’Aféiere vum Auslännerwahlrecht ausgeschwat. D’CSJ ass bei hirer Positioun bliwwen, datt dat aktiivt Wahlrecht fir Auslänner déi bescht Mesure wier géint den Demokratiedefizit. Am Nationalrot ware gëschter 84 Prozent vun den Delegéierten der Meenung, datt d’CSV sech beim consultative Verfassungsreferendum géint d’Auslännerwahlrecht sollt positionéieren.

Wéi d’CSJ sech an d’Referendumscampagne wéilt abréngen, wier nach net decidéiert, sou de Charel Hurt op Nofro hinn. Den CSJ-President kritiséiert, datt d’Propos vun der Regierung, fir ee Residenzwahlrecht no 10 Joer z’erméiglechen, net wäit genuch geet.

Zu den anere Referendumsfroe (iwwer d’Begrenzung vun de Ministermandater an d’Wahlrecht mat 16 Joer) huet d’CSJ nach keng definitiv Positioun. Hei wier een  awer éischter dergéint, also wahrscheinlech op der Linn vun der Mammepartei, sou de Charel Hurt.

Den CSJ-President ass iwwerdeems der Meenung, datt wann et beim Referendum eng Majoritéit op enger vun dëse Froe gëtt, d’CSV dat Resultat an der Chamber beim Vote iwwer d’Verfassungsreform sollt respektéieren. Fir eng Ännerung vun der Verfassung ass eng Zwee-Drëttel-Majoritéit (an deemno d’Ënnerstëtzung vun der CSV) néideg.

Den Interview vum Pia Oppel mam Charel Hurt:

 

D'Pressekonferenz nom Nationalrot vum 9. Februar mam CSV-President Marc Spautz a mam CSV-Fraktiounschef Claude Wiseler:

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen