Bausecteur Bau-Entreprisë wëlle Personal-Wunnenge bauen

De Secteur vun de Bau-Entreprisen ass bereet, engem Deel vu sengem Personal erëm selwer Wunnengen unzebidden. Dat seet de Jean-Marc Kieffer, de President vum Groupement des entrepreneurs de la construction.

Serge Kesseler / cz

Jean Marc Kieffer
De Jean Marc Kieffer ass de President vum Groupement des entrepreneurs de la construction a President vun der Bau-Entreprise CDCL

Et géif dorëm goen eppes géint d'Wunnengsnout ze maachen, bei de Mataarbechter, déi een an d'Ausland misst siche goen. Et géif ee sech scho méi laang Gedanken iwwer déi Iddi maachen, well ee Schwieregkeeten hätt fir qualifizéiert Personal anzestellen. Op dem Lëtzebuerger Marché géif een net déi néideg Leit fannen, an dofir misst een "an d'Ausland schöpfe goen". "A mat deene Liewenskäschten, déi et hei am Land gëtt, kënnt Dir Iech virstellen, datt déi Leit hir Schwieregkeeten hunn, wa si dann hei ufänken", sou de Jean-Marc Kieffer.

D'Konzept wier net nei an dofir wier ee bereet, de Leit dat nees unzebidden. Och fir e bëssen Drock vum Marché ze huelen, well vill vun de Leit, déi am Konstruktiounssecteur schaffen, och Cliente vun der SNHBM a vum Fonds du Logement wieren.

Zesummenaarbecht mam Staat a mat de Gemengen

Déi néideg Terraine missten elo um Marché kaaft ginn, well d'Bau-Entreprisë momentan net onbedéngt vill Terrainen zur Verfügung hätten. Fir de Jean-Marc Kieffer ass et eng Piste fir zesumme mam Staat a mat de Gemengen ze analyséieren, ob et méiglech ass fir sech eventuell op alen Industriefrichen nidderzeloossen.

Konkret Zuele vu Gréisstenuerdnung vum Projet fir Wunnraum fir dat eegent Personal ze schafen, hätt de Secteur vun de Bau-Entreprisen nach net, seet de President vum Groupement des entrepreneurs de la construction.

D'Vertrieder vum Bau-Secteur hate schonn eng Entrevue mat der Logementsministerin an et hätt eng ganz positiv Reaktioun ginn, sou de President vun der Bau-Entreprise CDCL. Eng finanziell staatlech Ënnerstëtzung bei dësem Projet wier wichteg fir sou séier wéi méiglech kënnen unzefänke Wunnraum ze schafen a fir dem Personal en zu ganz soziale Präisser unzebidden, esou de Jean-Marc Kieffer.

An der Mediathéik:

Invité vum Dag / / Serge Kesseler
Lauschteren

Méi zum Thema

Sam TANSON
Logement a Kultur

De Logement wier eng richteg Erausfuerderung. Si géif awer och d'Potential an deem Ministère gesinn, notamment duerch d'Zesummenaarbecht mat deenen anere grénge Ministeren, esou d'Sam Tanson.

Julien Licheron
Chamberwahlen 2018

D'Immobiliëpräiser zu Lëtzebuerg sinn zanter 2010 all Joer tëscht 4,5 a 5 Prozent geklommen. A si klamme virun, seet de Julien Licheron. D'Lëtzebuerger Specificitéit wier, datt zanter Joerzéngten d'Offer der Demande net nokënnt.

Programm

Praktesch Infoen

  • 31.5. Schengener Gespréicher

    31.5. Schengener Gespréicher

    D'Pandemie - vum Coronavirus ausgeléist - huet dem Commerce an der Groussregioun grouss finanziell Abousse bruecht. Mëttlerweil sinn d'Geschäfter nees op, mee vun enger ekonomesch gesonder Vitesse de croisière ass een nach wäit ewech.

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen