Bettel: "Ecrasant Majoritéit" fir Juncker
De Xavier Bettel rechent domat, datt de Jean-Claude Juncker haut um EU-Sommet mat enger “ecrasanter Majoritéit” als EU-Kommissiounspresident virgeschloe gëtt. Hien hätt mat ville Kollegen geschwat: hien hätt d’Gefill, et géif kee sech enthalen a just Groussbritannien an Ungarn géifen eventuell dogéint stëmmen, esou de Premier gëscht Owend zu Bréissel no engem gemeinsamen Owes-Iesse vun den 28 Staats- a Regierungscheffen. Gëtt et haut um zweeten Dag vum Sommet e positive Vote, muss d’Europaparlament Mëtt Juli nach gréng Lut gi fir d’Nominatioun vum Jean-Claude Juncker. Déi Deeg dono ass en europäesche Spezial-Sommet geplangt: de Xavier Bettel plädéiert dofir, datt dann all déi aner Spëtzeposte besat ginn.
De Jean-Claude Franck mat engem Bäitrag vu Bréissel:
