Chambre de Commerce Bonne Chance fir de Luc Frieden

"De Luc Frieden ass kee vun eis", dat seet de Robert Dennewald. Den nach-Vize-President vun der Chambre de Commerce seet, hie wier net zefridde mat der Manéier, wéi de Luc Frieden an d'Gespréich bruecht gi wier, fir neie President vun der Chambre de Commerce ze ginn. Normalerweis géif een net virun de Wahle fir dee Poste bestëmmt ginn.

Mick Entringer / cbi

Robert Dennewald
De Robert Dennewald ass nach bis Abrëll Vizepresident vun der Chambre de Commerce.

Hie géif dem Luc Frieden awer bonne Chance wënschen, esou de Robert Dennewald. De Luc Frieden wier e formidabele Politiker gewiescht, et misst een elo kucken, wat elo doraus géif ginn. Viraussetzung fir President vun der Chambre de Commerce ze ginn, wier awer, datt sech de fréieren CSV-Minister staark vun der Politik distanzéiert a säi Posten als President vum Verwaltungsrot bei Saint-Paul opgëtt.

Zur aktueller Regierung seet de Robert Dennewald, datt d'LSAP an d'Gewerkschafte senger Meenung no ze vill e grousst Gewiicht kritt hätten, si hätte méi duerchgesat kritt, wéi et hinnen zougestanen hätt. "An ech mengen, datt dat och ënner der Influenz vun de Gewerkschaften ass." Et misst ee sech d'Fro stellen, wéi representativ d'Gewerkschaften an der Lëtzebuerger Gesellschaft wieren.

D'Gewerkschafte géifen zwar d'Frontaliere representéieren, déi vun der Chambre de Commerce net representéiert géife ginn. De Robert Dennewald ënnersträicht awer, datt d'Chambre de Commerce d'Interête vun den Entreprisë géif vertrieden, déi sech hirersäits fir d'Interête vun de Frontaliere géifen asetzen an dat "vläicht méi, wéi vill anerer".

An der Mediathéik:

Invité vum Dag / /
Lauschteren

Méi zum Thema

Jean-Claude Franck Meenung
Wirtschaftschronik

De Luc Frieden wiesselt d'Bank: hien hält op bei der Deutschen Bank fir, op Wonsch vum katareschen Investisseur Precision Capital,  BIL-President ze ginn. E Cooling-Off schéngt néirens verlaangt ze ginn.

Jean-Claude Franck Kommentar
Zukunft vun der CSV

De fréieren CSV-Minister huet eegenen Aussoen no nach net decidéiert, ob hien nees méi eng aktiv Roll an der Politik iwwerhuele wëll. Besser net, mengt de Jean-Claude Franck an engem Kommentar.

Programm

  • Spektrum

  • On air

    Ënnerwee

  • Noriichten

  • Papperlapop

  • The Benny Brown Show

Net verpassen

  • Neien Owesprogramm um radio 100,7

    Grille Header

    De radio 100,7 huet sech als Zil gesat, déi vilfälteg an divers Realitéite vun der Lëtzebuerger Gesellschaft, déi sech konstant weiderentwéckelt, erëmzeginn.

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen