Brexit Brexit-Verlängerung trotz Europawahlen?

Déi meescht Deputéiert am britesche Parlament si sech eens, datt e Brexit ouni Accord mat der EU ausgeschloss ass. E Mëttwoch soll eng Gesetzesännerung gestëmmt ginn, déi genee dëse Fall verhënnere géif. Mee och wann de sougenannten No-Deal-Brexit a Groussbritannie vum Dësch wier, bleift ee grousse Problem: d'Zäit leeft der Politik fort.

Martin Schauss / cz

Brexit
Foto: picture alliance / NurPhoto

D'Premierministesch Theresa May mengt, wa si den 12. Mäerz hiren Accord mat der EU duerch d'Parlament kréich, kéint een den 29. Mäerz austrieden. Mee wéineg Leit kafen hir dat of. De Konsens ass, datt d'Premierministesch an deem Fall trotzdeem eng technesch Verlängerung géing ufroen, fir dat neit Brexit-Gesetz ze ratifizéieren an den Iwwergang sou douce wéi méiglech ze maachen. D'EU géif dat begréissen.

Bis elo weist awer nach net vill drop hin, datt dësen Accord iwwerhaapt duerch d'Parlament kënnt. Wéi am Januar déi lescht Versioun vum Accord vun den Deputéierte refuséiert gouf, war dat déi gréissten Defaite jee vun enger Regierung hei an der Chamber. De Verdacht besteet, datt d'Premierministesch op Zäit spillt, an der Hoffnung, datt den Accord aus Angscht virun engem No-Deal votéiert gëtt.

Muss Groussbritannien Europawahlen organiséieren?

Mee wat geschitt, wann am Mäerz weder en Accord, nach en No-Deal-Brexit a Fro kënnt? Da muss een de Brexit opschuppen, duerch eng Verlängerung vum Artikel 50, wouzou d'EU sech bereet erkläert huet. Do kënnt eng nei Fro op: wéi laang verlängert een? Am Mee si schliisslech Europawahlen, wou keen hei wëllt matmaachen.

Bis den éischte Juni mussen déi nei EU-Deputéiert hire Sëtz anhuelen. Mee richteg gleeft awer keen drun, datt dräi Méint laang genuch ass fir eng uerdentlech Alternativ zum aktuellen Accord oder zum No-Deal. Fir en neien EU-Referendum gëtt dat knapp. An och fir Neiwahlen, déi sech d'Sozialdemokrate wënschen.

Pragmatesch gesi brauch eng Alternativ zum aktuellen Accord eng Verlängerung vun engem Joer; mee da misst Groussbritannie legal gesinn an d'Europawahlen, well een anescht den éischte Juli automatesch eraus ass. Weder déi konservativ Regierung, nach d'Oppositioun wëllen awer matmaachen.

Eventuell Europawahle kéinten der Theresa May an d'Hänn spillen

D'Wieler géifen net agesinn, firwat ee weider Deputéiert op Bréissel géif schécken. Déi zwou grouss Parteien hunn Angscht, datt d'Europawahlen eng ideal Plattform kéint ginn, fir datt sech nei Parteien ofsplécken a mat enger pro- oder anti-Brexit Campagne Wieler gewannen. D'lescht Woch ware jo schonn néng Deputéiert bei de Sozialdemokraten an dräi bei de Konservativen ofgesprongen.

Eng Participatioun bei den Europawahle géif och der EU e Stréch duerch d'Rechnung maachen, schliisslech sinn e groussen Deel vun de Sëtz vun de Briten elo un aner Länner verginn, an dës Länner hunn hir Gesetzer, wat Wahlbezierker uginn, schonn deemno ugepasst.

Participatioun bei den Europawahlen ass eng Méiglechkeet, déi kengem passt, mee awer kéint antrieden.

Vläicht spillt dës Eventualitéit der Premierministesch awer schlussendlech an d'Hand.

Méi zum Thema

Brexit-Helpline
Brexit

"Wéi preparéieren ech mäi Betrib op de Brexit?" Op dës Fro soll eng Helpline vun der Chambre de Commerce deene Betriber zu Lëtzebuerg Ried an Äntwert stoen, déi direkt an indirekt vum Brexit betraff sinn.

Cargolux
Brexit

Wat geschitt bei engem Brexit ouni Accord mat de Cargolux-Flich? Nach lafen d'Verhandlungen um EU-Niveau. Zentral Fro fir Lëtzebuerg ass, wéi eng national Kompetenzen am Beräich Fluchverkéier un d'EU-Kommissioun transferéiert ginn.

Danièle Weber
​EU-politesche Wocheréckbleck

De 26. Mee sinn Europawahlen, den 29. Mäerz verléisst Groussbritannien d'EU. Ass et sécher, datt d'Briten dës Kéier net bei deene Wahlen dobäi sinn? Erklärunge vun der radio 100,7-EU-Korrespondentin Danièle Weber.

Michel Barnier
Brexit

Den EU-Austrëtt vu Groussbritannie réckelt ëmmer méi no. Am britesche Parlament gouf et bis elo keng Majoritéit fir de Brexit-Accord tëschent der EU an der britescher Regierung. Haaptgrond: de Backstop.

Prepare 4 Brexit
Konferenz

D'Entreprisen an Europa bereede sech op de Brexit vir. Och d'Betriber zu Lëtzebuerg kréie vun der EU-Kommissioun an der Lëtzebuerger Regierung deementspriechend Instruktiounen an Ënnerstëtzung.

Jean Asselborn
Brexit

D'EU wier net bereet, de Brexit-Austrëttsaccord nei ze verhandelen. Lëtzebuerg géif sech dofir op e Brexit ouni Accord virbereeden, sou de Jean Asselborn. Am Regierungsrot solle Mesuren decidéiert ginn.

Brexit
Dernière ligne droite

C'est ce soir que les députés britanniques se prononceront sur le deal de Theresa May. A quelques heures du vote, les chances que cet accord soit validé semblent toujours aussi minces.

Zhengzhou
Aviatioun

D'Cargolux bedeelegt sech zu 25 Prozent un der chinesescher "Henan Cargo Airline". Dës nei Gesellschaft soll fréistens Enn 2018 ufänke mat fléien. D'Cargolux investéiert 55 Milliounen US-Dollar.

Photo-3---Bank-of-China.jpg
Visite a China

De Xavier Bettel ass op offizieller Visite a China. Et goufen eng Rei Accorden an Absichtserklärungen ënnerschriwwen. Donieft stounge Gespréicher mat de Vertrieder vun chinesesche Banken um Programm.

Programm

Dossieren

  • Festival de Cannes 2019

    Alleguer d'Artikele vum Festival de Cannes 2019.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen