Tripartite CGFP: "Alles muss op den Dësch kommen"

D'Regierung kënnt e Méindeg mat de Sozialpartner fir déi ugekënnegt Tripartite zesummen: dat huet d'CGFP gëschter Owend op hirer Conférence des Comités zu Dummeldeng ugekënnegt.

Serge Kesseler / cbi

Steve Heiliger a Romain Wolff
De Steve Heiliger an de Romain Wolff bei der Conférence des Comités. Foto: CGFP

Lauschteren


D'Staatsbeamtegewerkschaft begréisst, datt et den 13. Dezember endlech zur Tripartite kënnt: déi sozial an ekonomesch Situatioun vum Land soll dobäi awer net deen eenzege Punkt um Ordre du jour sinn, huet de CGFP-Generalsekretär Steve Heiliger gefuerdert, mee och d'Logementsproblemer, de Klimawandel, d'Energiepräisser an d'Pandemie.

D'Suitte vun der Pandemie

Alles misst beim Rendezvous vu Regierung a Sozialpartner e Méindeg op den Dësch kommen, huet de President vun der Staatsbeamtegewerkschaft Romain Wolff verlaangt, och d'Fro, wie fir d'Pandemie wäert bezuelen.

Beim CovidCheck op der Aarbecht wier et an de leschte Woche vill Opreegung ginn - de Steve Heiliger mengt, datt d'Regierung sech "vill Misär" hätt kéinten erspueren, "wa vun Ufank un eng kloer Linn do gewiescht wier". Eréischt elo géif d'Politik hir Verantwortung iwwerhuelen.

D'Demonstratioun géint d'Corona-Mesuren de leschte Samschdeg an der Stad, huet d'CGFP iwwerdeems kritiséiert. "D'Aart a Weis, wat sech verschidde Leit e Samschdeg geleescht hunn, dat kënne mir net guttheeschen", esou de Romain Wolff.

Méi zum Thema

Patrick Dury
Tripartite

Den LCGB fuerdert eng Tripartite: et wier zwar am aktuelle Kontext net un eng grouss Steierreform ze denken, mee sollt d'finanziell Situatioun vum Staat et erlaben, misst ee kënne punktuell Steieradaptatioun erwaarden.

Net verpassen

Programm

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen