Chamber-Opléisung: Prinzipiellen Accord iwwer nei Prozedur

Am Virfeld vu virgezunnen Neiwahle soll d’Chamber net méi opgeléist gi: déi fir d’Verfassungsreform zoustänneg Chamberkommissioun huet doriwwer e prinzipiellen Accord fonnt. D’Decisioun iwwert den anticipéierte Wahltermin sollt bei der Chamber oder der Regierung leien, sou de President vun der Institutiounskommissioun Alex Bodry an eisem Mëttespanorama. De Grand-Duc kéint d’Chamber deemno net méi opléisen.

Nach net gekläert ass, ob an der neier Verfassung soll festgeluecht ginn, ënner wéi enge Konditiounen et zu virgezunnen Neiwahle kënnt.

No der Debatt iwwert de Rapport vun der SREL-Enquetekommissioun haut virun engem Joer, war gréisser Konfusioun entstan, well de Groussherzog d’Chamber opgeléist huet, ouni datt d’Regierung demissionéiert hätt, oder e Mësstrauensvote virlouch. Iwwerdeems war d’Opléisung net direkt am Juli a Kraaft getrueden, mee gouf op zwou Woche virum Wahltermin am Oktober fixéiert.

Weider Detailer am Interview vum Pia Oppel mam Alex Bodry:

Net verpassen

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen