Olympesch Spiller Charel Grethen qualifizéiert sech fir Olympia-Final

De Lëtzebuerger Liichtathlet Charel Grethen steet bei den olympesche Spiller zu Tokyo an der Final vun den 1.500 Meter.

Charel Grethen
Foto: COSL

Hien huet an der Halleffinall seng perséinlech Beschtzäit ëm bal véier Sekonne verbessert an en neien nationale Rekord opgestallt. Mat 3 Minutten, 32 Sekonnen a 86 Honnertstel ass hie siwente vun 13 a senger Halleffinall ginn.

"Einfach verréckt, ech kann et selwer net gleewen", esou eng éischt Reaktioun vum Charel Grethen no senger Course. Hie géif einfach gesinn, zu wat hie capabel wier, wann hie eng Saison ouni Verletzung trainéiere kéint.

"Ech sinn einfach heihi komm, also Halleffinall wier scho mega gewiescht, lo sinn ech einfach an déi Halleffinall gaangen, ech hu mech einfach getraut. Ech hunn einfach Gas ginn, ech hunn eigentlech och gehofft, hoffentlech gëtt et bësse méi eng taktesch, well ech weess net ob ech richteg schnell kann do matlafen. Mee no 800 900 hunn ech scho gemierkt, ech hu mech super gespuert an ech hu gemierkt datt do vill dra war. Mee dat do hätt ech net geduecht."

D'Final am 1.500-Meter-Laf vun den Hären ass e Samschdeg um 13:40 Lëtzebuerger Zäit.

Méi zum Thema

Bob Bertemes
Olympesch Spiller

Wann et fir Lëtzebuerg Medaillechancen op den Olympesche Spiller gouf, da sinn déi virun e puer Stonnen zu Tokyo verschwonnen. De Bob Bertemes huet am Olympesche Stadion am Bommstousse just déi 21. vun 31 Plaze krut, an ass net aus der Qualifikatiounsronn eraus komm.

Christine Majerus
Olympia

Kierperlech a leeschtungsméisseg wier si capabel, fir nach bis déi nächst Olympesch Spiller 2024 ze fueren, mee si géif d'Entscheedung och vun hirer Motivatioun ofhängeg maachen, seet déi Lëtzebuerger Cyclistin Christine Majerus.

NI.jpg
Olympesch Spiller

Bei den Olympesche Spiller zu Tokyo huet d'Ni Xia Lian de Samsdeg iwwerraschend am zweeten Tour verluer. Fir si war et déi fënneft Participatioun bei Olympia. Méi al war nach ni e Sportler am olympeschen Dëschtennis-Tournoi.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen