Educatioun CNEL: Positiven Avis op Stufemodell

Den nationale Schülercomité CNEL ass prinzipiell mam Stufemodell zefridden, deen e leschte Freideg vum Educatiounsminister Claude Meisch fir d'Schoulrentrée virgestallt gouf. Et wier wichteg, datt een trotz dem Coronavirus an der Schoul eng gewëssen Normalitéit schafe géif.

Isabel Scott / cz

Schoulsall

De Bäitrag vum Isabel Scott lauschteren


De President vun der CNEL Kimon Leners seet, datt d'Schüler frou wiere fir d'nächst Woch erëm kënnen an d'Schoul ze goen. De CNEL hätt och gefuerdert, datt d'Schüler erëm zesummen als ganz Klass d'Rentrée unzefänken. Datt ee sech virum 15. September op fräiwëlleger Basis teste loosse kann, géif d'Schüler rassuréieren, esou de Kimon Leners. "An elo hoffen mer, datt mer an de Schoulen kënnen am Klassesall", esou de President vum Schülercomité.

Duerch de Stufemodell kënnen ënnerschiddlech Mesuren, jee nodeems wéi d'Situatioun an der Communautéit evoluéiert, ënnerschiddlech applizéiert ginn. Et wier der CNEL wichteg, datt doduerch net allzegrouss Ënnerscheeder tëschent de Lycéeën entstinn.

"Chancëgläichheet ass fir eis e grousse Punkt gewiescht. Dofir hu mer och ofgeschwat gehat, datt mer keng Maskeflicht wärend enger Prüfungszäit, bzw. wärend der Prüfung wëllen hunn. Dat gouf esou accordéiert. Dat war eis ganz wichteg, datt wéinstens op deem Punkt ee keng Mask muss unhunn."

Et wier "e bësse" Kommunikatioun tëschent CNEL an Educatiounsministère ginn, et hätt een awer och kënne méi mateneen schwätzen, esou de President vum nationale Schülerkomité. Mee en gros wier een awer mam Plang zefridden. "Et ass net grad e schlechte Plang a mir hoffen, datt e gutt ausgeet.

Méi zum Thema

Claude Meisch
Coronavirus a Schoul

Déi meescht Jugendlech géife sech an der Famill infizéieren, seet de Claude Meisch. Famille mat Kanner géifen dofir an de Fokus vum Large-Scale-Testing réckelen. Schüler géife méi "cibléiert" getest ginn, esou den Educatiounsminister.

Claude Meisch, ministre de l’Éducation nationale, de l’Enfance et de la Jeunesse
Schoulrentrée

Fir d'Schoulrentrée Mëtt September soll déi ganz Schouloffer assuréiert ginn, seet de Claude Meisch. Dat soll mat engem Stufe-Modell méiglech sinn. Déi sanitär Reegele missten agehale ginn.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

  • Virum Dag vu 6 bis 10

  • On air

    Sot emol - Laura Miller

  • Iwwer Mëtteg vun 11 bis 2

  • Resonanzen

  • Am Nomëtteg vun 3 bis 6

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen