CSSF: Agrément néideg fir Bitcoin-Servicer

D’Iwwerwaachungskommissioun vun der Finanzplaz CSSF huet eng éischte Kéier Präzisioune ginn iwwert déi sougenannt Bitcoins an aner virtuell Währungen. An engem Communiqué vun e Freideg schreift d’CSSF, datt d’Emissioun vun enger virtueller Währung net reglementéiert ass. Esou eng Währung hätt deemno awer och gewëss Risike fir d’Utilisateuren.

D’CSSF erënnert dann och, datt zu Lëtzebuerg kee kann eng Aktivitéit op der Finanzplaz ausüben, ouni Agrément vum Finanzministère an ouni vun der CSSF iwwerwaacht ze ginn. Vun dohier misste Leit, déi Interessi hätte Servicer am Beräich vu virtueller Währung unzebidden, hier Aktivitéit an hiren « objet social » kloer definéieren, fir datt d’CSSF ka festleeën ënner wéi engem Statut se kennen en Agrément kréien.

De Generaldirekter vun der CSSF, Jean Guill, gesäit d’Méiglechkeet, datt opgrond vum Know-How op der Finanzplaz och zu Lëtzebuerg d’Geschäft mat den ëmstriddene Bitcoins ka bedriwwe ginn: “Mee et muss ee wësse wéi een sech uleet, fir et och richteg ze maachen”.

Detailer am Interview vum Gil Goebbels mam Jean Guill:

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen