Logement CSV: "D'Grondsteier ass eng waarm Gromper"

De Co-Fraktiounschef vun der CSV rechent net domat, datt nach virun de nächste Walen eng méi héich Grondsteier ufält. D'Majoritéitsparteie wieren net drun interesséiert d'Bierger virun de Wale méi staark ze belaaschten. D'Reform vun der Grondsteier wier dofir "eng waarm Gromper".

Maurice Molitor / Chris Zeien (Web)

Gilles Roth
De Gilles Roth ass Co-Fraktiounschef vun der CSV-Fraktioun.

Den CSV-Politiker kann och net novollzéien, firwat d'Regierung am Kader vun dëser Reform en nationale Wunnengsregëster wëllt schafe fir erauszefannen, wéi eng Wunnenge bewunnt sinn a wéi eng net. D'Gemenge wéissten an der Reegel gutt driwwer Bescheed, wéi eng Haiser a Wunnenge bewunnt wieren a wéi eng Terrainen net bebaut wieren. "Ech mengen de Modell [vun esou enger Reform] keint een diskutéieren, onofhängeg vum Inventaire. An et ass dat wat mir verlaangen."

D'CSV fuerdert eng Steierreform, déi fir méi sozial Gerechtegkeet suergt. De Co-Fraktiounschef Gilles Roth seet, et wier fir seng Partei "keen Tabu" fir d'Steiere fir Leit mat ganz héijem Akommes unzehiewen. Seng Partei kéint sech och virstellen, de Spëtzesteiersaz erop ze setzen. Gläichzäiteg fuerdert d'CSV, datt Leit mat nidderegen a mëttelheijen Akommes manner Steiere musse bezuelen.

"Mir sinn als CSV der Meenung, datt een elo - no der Kris - déi breet Mëttelschicht muss steierlech entlaaschten. Dat sinn déi Leit, déi géint Loun a Gehalt all Dag schaffe ginn."

Dat wier elo zënter ronn néng Joer net geschitt, d'Kafkraaft vun de Leit wier an deem Zäitraun steeteg erofgaangen. Dat wier net gerecht an dofir plädéiert d'CSV dofir, datt d'Steierlaascht fir d'Mëttelschicht erofgesat gëtt.

D'CSV ass ausserdeem dofir fir um ënneschte Wupp vun der Lounskala méi Leit ganz vun der Lounsteier befreien. De Gilles Roth plädéiert dowéinst dofir, datt de Seuil ugehuewe gëtt, vun dem un een ënnert d'Lounstéier fält.

An der Mediathéik:

Invité vum Dag / / Rick Mertens
Lauschteren

Méi zum Thema

Xavier Bettel
Ried zur Lag vun der Natioun

D'Kannergeld soll vu Januar d'nächst Joer un erëm indexéiert ginn. Dat huet de Xavier Bettel annoncéiert. Weider soll ë.a. d'Allocation à la vie chère ëm 200 Euro gehéicht an d'Maison relaise gratis ginn.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen