Offall CSV: Superdreckskëscht soll net méi privat gefouert ginn

D'CSV plädéiert dofir, d'Aktioun Superdreckskëscht vun engem Etablissement public iwwerhuelen ze loossen, se also net weider un eng privat Entreprise out-ze-sourcen.

Maurice Molitor (Interview) / Tessy Troes (Web)

Paul Galles
De Paul Galles ass Deputéierten an Interims-Generalsekretär vun der CSV.

Dat wier fir den Deputéierte Paul Galles déi richteg Äntwert op d'Froen, déi virun zéng Deeg an engem Artikel op reporter.lu opgeworf gi waren an um Mëttwoch Theema an der parlamentarescher Ëmweltkommissioun war.

"Déi ganz grouss Fro, déi sech stellt, ass net déi, ob d'Superdreckskëscht eppes ass, wat mer brauchen. D'Aktioun Superdreckskëscht ass super, déi leeft (...) an ass eiser Offall-Politik e ganz wichtegen Acteur. Mee d'Fro déi sech stellt: wéi ass et mat deem Firmekonstrukt hannendrun, wat do opgebaut ginn ass, a wat awer komesch ausgesäit?"

D'Superdreckskëscht wier een "Aushängeschëld vu Lëtzebuerg", seet den CSV-Deputéierten.

Seng Zukunft an der Partei

De Paul Galles huet nach net decidéiert, ob hien um CSV-Kongress Enn Abrëll fir de Poste vum Generalsekretär kandidéiere wäert. Virun e puer Méint huet hien déi Charge Interims-méisseg vum Félix Eischen iwwerholl, dee mat engem Burn-out ausgefall ass.

Hie géif sech gutt mam President Fränk Engel verstoen, dee rezent parteiintern wéinst ëmstriddenen Aussoen ënner Drock gerode war. De Paul Galles seet, hie wier oppe fir mat jiddwerengem ze schaffen:

"Ech hunn do fir mech meng Maxim: Et muss ëmmer alles wat ech soen - well ech soen och warscheinlech heiansdo Saachen, déi net ofgeschwat sinn zu 100 Prozent ... dat wat ech soe muss am Interessi vun der Partei sinn, a vun deem positive Message, dee mer als Partei hunn."

Kontrovers Punkte sollten intern duerchdiskutéiert ginn, ier een erausgeet mat deem Theema, esou nach den CSV-Deputéierten.


An der Mediathéik:

Invité:e vum Dag / / Maurice Molitor
Lauschteren

Méi zum Thema

Frank Engel
No Aussoe vum CSV-President

Dem Frank Engel di seng Online-Aussoen zum Gesetzesprojet iwwer d'Adoptioun a kënschtlech Befruchtung Leed. D'CSV-Fraktiounscheffin Martine Hansen hat am Nomëtte gesot, polemesch Aussoe wieren an där Diskussioun falsch op der Plaz.

Medezineschen Offall
Medezineschen Offall

Zanter zwee Méint gi ronn dräi Tonne medezineschen Offall pro Woch an der Verbrennungsanlag vum SIDOR verbrannt. Deem ware Spannungen tëschent der Cellule de Crise Covid-19 an de Responsabele vu SIDOR virausgaangen.

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen