Europawahlen 2019 D'EU net reforméieren, mee ofschafen

D'Europäesch Unioun ass kee Friddensprojet, seet den Ali Ruckert. De KPL-President a Spëtzekandidat bei de Wahle fir dat Europäescht Parlament huet an deem Kontext kritiséiert, datt Frankräich an Däitschland een "neo-koloniale Krich" a Mali géife féieren.

Serge Kesseler / cbi

Ali Ruckert
Den Ali Ruckert ass zanter 19 Joer President vun der KPL

D'EU wier fir d'Interesse vun de Banken an de grousse Konzerner gegrënnt ginn. Well d'Unioun net ze reforméiere wier, ass d'KPL fir d'Opléise vun der EU an hirer aktueller Form.

Eng nei Zesummenaarbecht

D'KPL fuerdert eng Zesummenaarbecht tëschent alle Länner an Europa, déi op Solidaritéit, op sozialer Gerechtegkeet an op enger Politik vum Fridde soll baséieren. Dat wier momentan net de Fall, "well mir stellen ebe fest, datt dat an eng ganz aner Richtung geet. An eng Richtung, déi am Fong net de Salariéen nëtzt, mee hinne schued", esou den Ali Ruckert.

De Spëtzekandidat vun der KPL hält "absolut guer näischt" vun der Duerstellung vu Verschiddenen, datt et dës Kéier "Schicksalswahle" fir d'Europäesch Unioun wieren. Dat wier eng "Propaganda-Formel", esou de President vun der Kommunistescher Partei vu Lëtzebuerg.

"Et geet de Leit net besser"

Déi äerzkonservativ, rietspopulistesch a rietsextrem Parteie wieren duerch d'Politik vun der Europäescher Unioun a vun de verschiddene Regierunge gestäerkt ginn, esou d'Analys vum Ali Ruckert. D'Aschätzung vum Nach-EU-Kommissiounspresident Jean-Claude Juncker bei sengem Bilan gëschter, datt et de Mënschen an Europa eigentlech géif besser goen, mee net jiddwereen et géif mierken, deelt de kommunistesche Spëtzekandidat Ali Ruckert net:

"Jo, den Här Juncker huet an deem Fall gutt schwätzen. Den Här Juncker huet e Monatsakommes vun der Europäescher Unioun garantéiert vun iwwer 32.000 Euro. Dofir musse Leit wäHrend dräi Joer schaffen. An och zu Lëtzebuerg ass jo de Mindestloun mol nach net op 60 Prozent vum Medianloun. Do huet den Här Juncker also gutt schwätzen. Mee ech muss awer soen, et mierkt een awer, datt a ville Länner vun der EU, datt et do de Leit net besser mee méi schlecht geet, datt si vill ënner der Aarbechtslosegkeet leiden, datt d'Aarmut ëmmer méi grouss gëtt och an engem räiche Land wéi Lëtzebuerg. An do dréit d'Unioun natierlech mat hirer Politik dozou bäi."

D'Kommunistesch Partei huet sech fir d'Wahlen de 26. Mee kee konkret Zil gesat. Bei den Europawahlen 2009 an 2014 hat d'KPL all Kéier ronn 1,5 Prozent vun de Stëmme kritt.

De 64 Joer alen Ali Ruckert huet och ugekënnegt, datt hien um nächste KPL-Kongress an zwee Joer net méi fir de Presidenteposte wäert kandidéieren. Wéini hien als Chefredakter vun der Zeitung vum Lëtzebuerger Vollek ophält, wier nach net decidéiert. Et géif awer un enger Alternativ geschafft ginn.

An der Mediathéik:

Invité vum Dag / / Serge Kesseler
Lauschteren

Méi zum Thema

Joe Thein
Europawahlen 2019

Bei den Europawahle wëllen Déi Konservativ méi Stëmme kréie wéi bei de Chamberwahlen. Esou géif ee bestätegt kréien, déi richteg Politik ze maachen. E Wahlprogramm soll an den nächsten Deeg verëffentlecht ginn.

Isabel Wiseler-Lima
Europawahlen 2019

Nuancen tëschent dem Wahlmanifest vun der Europäescher Vollekspartei an de Programme vun hiren nationale Memberorganisatioune wieren normal. Dat seet d'Isabel Wiseler-Lima. D'Sensibilitéite wiere vu Land zu Land ënnerschiddlech.

Carole Thoma
Europawahlen 2019

déi Lénk wier prett fir no den Europawahlen e Vertrieder an dat Europäescht Parlament ze schécken. Dëse soll géint déi multinational Konzerner kämpfen a fir d'Interesse vun de Leit, seet d'Carole Thoma.

Programm

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen