Policereform D'Policereform gouf gestëmmt

D'Policereform gouf gëschter mat de Stëmme vun de Majoritéitsparteien ugeholl. déi Lénk hu sech enthalen, d'CSV an d'ADR hunn dogéint gestëmmt. Am Mëttelpunkt vun der Reform sti fënnef Voleten, ënner anerem déi territorial Reorganisatioun, d'Zesummeleeë vu Kommissariater, d'Aféiere vun neie Carrièren oder nach d'Reorganisatioun vun der Police judiciaire an de SRECen, de Service de recherche et d'enquête criminelle.

Carole Schimmer / cz

Police
Foto: Horst Galuschka (Archiv)

Deen éischten Defi fir d'Police ass et, méi Beamte kënnen ze rekrutéieren. Well et ee Manktem un Effektiver gëtt, huet den zoustännege Police-Minister Etienne Schneider eng Rei Moossnamen an der Reform virgesinn. Virop déi territorial Reorganisatioun. Bis elo gouf et sechs Policeregiounen, elo ginn et der véier, mam Zil, d'Gestioun besser an de Grëff ze kréien. Weider gouf den Ënnerscheed tëscht Policekommissariater a Commissariat de proximité ofgeschaaft.

Nei Méiglechkeet vu fräiwëllege Fusiounen

Déi lokal Kommissariater si konstant ënnerbeluecht. Aus deem Grond hat de zoustännege Police-Minister eng fräiwëlleg Fusioun vun de Proximitéitskommissariater proposéiert. Domat sollt garantéiert ginn, datt déi existent Kommissariater genuch Personal kréien, fir souwuel Patrullen, wéi och den Accueil am Kommissariat ze garantéieren. Fir den Ament ginn et dräi Fusioune vu Kommissariater. Donieft hunn eng Rei Gemengen decidéiert, an enger Versuchsphas hir Policebüroen zesummenzeleeën.

Nei Carrièren

Ee weidere Punkt an der Reform ass d'Aféiere vu verschidde Carrièren.

Well de Personalmangel net zum Sécherheetsproblem däerft ginn, géif d'Gesetz och virgesinn, datt d'Unzuel vun den zousätzleche Posten an der B1-Carrière ëm 20 Stéck pro Joer kann eropgesat ginn, sou den DP-Deputéierte Max Hahn. De Beamten aus der B1-Carrière wäert méi fréi de Statut vum Officier de Police judicière kënne kréien.

déi Lénk hu sech beim Vott enthalen. Et wier awer positiv, datt och elo d'Policebeamten um Ufank vun hirer Formatioun mat der Fonction publique gläich gestallt ginn, sou den David Wagner, Deputéierte vun déi Lénk.

Police kritt verschidden nei Rechter

D'Poliziste kréien iwwer d'Gesetz iwwerdeems nei Mëttel fir d'Sécherheet ze garantéieren am Fall vun enger imminenter Gefor, seet d'LSAP-Deputéiert a Rapportrice vum Gesetz, d'Claudia d'Allagnol.

Wa spezifesch Konditiounen, déi d'Gesetz virgesäit, erfëllt sinn, da kritt d'Police an Zukunft d'Méiglechkeet, fir ee Sécherheetsperimeter ze etabléieren. "A wann een do ra wëllt, dann ass d'Police befugt, Identitéitskontrollen duerchzeféieren, bezéiungsweis, fir bei engem Auto eng Durschsuchung ze maachen. D'Police dierf an Zukunft och e Commerce oder en ëffentlecht Gebai vorübergehend zoumaachen, eng Saisie vun Objeten duerchféieren oder eng Persoun, déi kéint gesicht ginn, festhalen, bis hir Identitéit konnt festgestallt ginn."

"Gudden Equiliber"

Et wier wichteg gewiescht, datt d'Fräiheete vun de Bierger garantéiert ginn, ouni datt d'Mëttel vun de Polizisten ze vill ageschränkt ginn, seet den Henri Kox vun déi gréng. D'Definitioun "danger grave, concret et imminent pour la securité publique" wier ee gudde Kompromëss tëscht dem Garantéiere vum Ordre public engersäits, an de perséinleche Fräiheeten anerersäits.

Kee Platzverweis a Kritik vun der Oppositioun

An der Chamberdebatt, huet den CSV-Deputéierte Léon Gloden dem Minister virgehäit, de Platzverweis net am Gesetz virzegesinn. D'CSV hätt de Platzverweis schonn an hirem leschte Wahlprogramm stoe gehat. "Jiddwereen, ausser d'Regierung, fuerdert och de Platzverweis", sou de Léon Gloden.

An der Policereform gëtt iwwerdeems de SREC, de Service de recherche et d'Enquêtes criminelles, mat senge regionalen Antennen an d'Police judiciaire integréiert, fir och do d'Mëttel besser anzesetzen, ouni awer déi dezentraliséiert Organisatioun ganz opzeginn.

An der Mediathéik:

Aktuelles / / Carole Schimmer
Lauschteren

Méi zum Thema

Komissariat zu Déifferdeng
Ëffentlech Gebaier

Anescht wéi de Marc Spautz behaapt hat, muss d'Police-Kommissariat zu Déifferdeng net aus hygienesche Grënn zougemaach ginn. Et ginn awer gewëss Problemer mam Gebai, seet Bâtiments publics.

Guy Conrardy
AdBlue-Fuite

Bis Februar léichen d'Analysen no der Fuite vum Additiv op der Aire de Berchem vir, sot de Staatssekretär am Ëmweltministère. Den Aktivist Guy Conrady gesäit an där Situatioun och eng Chance.

Mylène Wagner-Bianchi
Eisebunn

D'Aggressioune géint d'Personal am ëffentlechen Transport stagnéieren op héijem Niveau. Dofir soll eng Policeunitéit do agesat ginn, wou d'Personal u Limite stéisst, esou d'Mylène Bianchy.

Police
Fonction Publique

Méi Pouvoire fir d'Police, néi Carrièren, eng territorial Reorganisatioun an een Disziplinargesetz stinn am Mëttelpunkt vun der Policereform. Domat soll de Manktem u Poliziste behuewe ginn.

Karim El Khmlichi.JPG
Radikalismus am Prisong

De Prisong als Rekrutéierungsplaz fir de radikalen Islam? Ze kuerz gegraff, fënnt de Karim El Khmlichi, Psycholog a Prisongsdirekter am Bréisseler Quartier Saint-Gilles.

20150903-monique-stirn-1009130-1024x682.jpg

D'Monique Stirn, déi nei Chefin vun Inspection générale de la police (IGP), wëll d'Bild vun hirer Verwaltung bei der Police verbesseren. Als fréiere Magistrat géif si déi richteg Viraussetzunge matbréngen.
20150305-schrantz-1005026-1024x682.jpg

Och wann hien de Corps wéilt reforméieren, wär am Moment net alles schlecht bei der lëtzebuerger Police. Dat sot de Moien de neie Generaldirekter vun der Police, Philippe Schrantz, Invité vum Dag hei um 100,7.

Der Police-Gewerkschaft no géing d’Reform bei der Police e bessert Funktionnement vun enger moderner Police erméiglechen. Vun der neier Féierung bei der Police, erhofft sech d’SNPGL e fairen an transparente Partner

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen