Dateschutz Kollektiv géint Facebook kloen

An der EU kënnen d'Bierger sech vum 25. Mee un zesumme géint Dateschutzverstéiss wieren. Mee dat neit Dateschutzreglement huet och Schwaachpunkten, seet den Droits-Professer Herwig Hofmann.

Pia Oppel

Herwig Hofmann

Dat soziaalt Netzwierk Facebook muss mat enger kollektiver Plainte vun EU-Bierger rechnen, wann dat neit europäescht Dateschutzreglement a Kraaft trëtt. Dat huet den Herwig Hofmann ugedeit. Den Droits-Professer vun der Uni Lëtzebuerg ass ee vun den Affekote vum éisträicheschen Dateschutzaktivist Max Schrems, deem seng verschidde Plaintë géint Facebook elo fir d'drëtte Kéier bis virun den Europäesche Geriichtshaff kommen.

Rechter net just fir Idealisten

Dem Max Schrems säi Versuch am Numm vu 25.000 Leit Schuedensersatz vu Facebook anzekloe war am Januar vun den europäesche Riichter gestoppt ginn. Den Aktivist huet an Tëschenzäit awer eng Organisatioun gegrënnt, fir déi nei Méiglechkeet vun engem kollektive Recours wéinst Dateschutz-Verstéiss ze notzen.

Bis elo huet all Verbraucher eenzel misse kloen, wat wéinst den "astronomesche Prozesskäschte" just "Idealisten" gemaach hätten, esou den Herwig Hofmann.

Schwaachpunkte vum Dateschutzreglement

Den Herwig Hofmann gesäit eng Rei Punkten, op deenen den europäeschen Dateschutz nach misst verbessert ginn:

  • D'Konzept, datt d'Internetnotzer hiren Accord zur Datennotzung ginn, wier als Method net ideal. Meeschtens wieren d'Conditioune vill ze komplizéiert an et hätt een dacks keen anere Choix wéi zouzestëmmen. Eng Alternativ wier, datt verschidde Praktiken (wéi Profiller vun den Internetnotzer erstellen) einfach verbuede ginn. Den Herwig Hofmann mécht hei de Verglach mat de Verkéiersregelen: Jiddereen hätt d'Recht säin Haus ze verloossen ouni mussen d'Angscht ze hunn iwwerrannt ze ginn. D'selwecht misst all Internetnotzer kënnen erwaarden, datt et Regele ginn, déi hien an der digitaler Welt schützen.
  • D'Reglement bezitt sech just op privat Entreprisen an net op d'Police oder d'Geheimdéngschter an de Memberstaaten. Dës Acteure géifen dacks massiv Donnéeën am Internet sammelen an Entreprisë forcéieren, d'Donnéeë vun den Notzer erauszeréckelen.
  • Déi national Dateschutzautoritéite bleiwe fir d'Kontroll zoustänneg, wat d'Duerchsetzung vum Recht a ville Fäll géif méi komplizéiert mécht. Iwwerdeems géif de Risiko bestoen, datt Récksiicht op wirtschaftlech Standuertinteressie geholl ginn. Amplaz wier et besser, wa fir grenziwwerschreidend Fäll eng europäesch Dateschutzagence zoustänneg wier.

Skepsis géigeniwwer Facebook

D'Donnéeë vu geschate 87 Millioune Facebook-Notzer solle vun der Beroderfirma Cambridge Analytica fir Wahlkampfzwecker an den USA mëssbraucht gi sinn. De Facebook-CEO Mark Zuckerberg huet sech dofir entschëllegt.

Dat wier "gutt ze héieren", esou den Herwig Hofmann. Mee et wier egal, wat de Mark Zuckerberg seet, soulaang hien anescht handelt. Hei wiere méi streng Regelen néideg, och well Facebook mëttlerweil eng wichteg Roll fir d'Meenungsbildung spillt.

Ënner dem neien EU-Dateschutzreglement wier ee Fall wéi dee vu Cambridge Analytica héchstwahrscheinlech illegal, sou datt Facebook mat enger héijer Geldstrof hätt misse rechnen, esou d'Aschätzung vum Jurist.

An der Mediathéik:

Riicht eraus / / Pia Oppel
Lauschteren

Méi zum Thema

Delete Facebook
Kommunikatioun

De Facebook-Dateskandal huet déi lescht Wochen d'Schlagzeilen an de Medien dominéiert. Vill Leit hunn hire Kont beim soziale Netzwierk zougemaach. Wéi eng alternativ Netzwierker ginn et?

Michel Delage Meenung
Wirtschaftschronik

Wahlcampagnë ginn duerch den Internet zwar ëmmer méi bëlleg a rentabel. Och si hunn awer ee Präis. Dat weist dat illegaalt Notze vu Facebook-Donnéeën, seet de Michel Delage an der Wirtschaftschronik.

Visual RER Cybersecurity
Nom #chamberleak

Wéi sécher sinn d'Datebanken a - méi allgemeng - déi informatesch Systemer beim Staat? Oder am Privatsecteur? Wéi ass et mam Dateschutz, grad am Hibléck op déi nei Dateschutz-Reglementatioun?

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen