Iwwerschwemmungen De Klimawandel begleeden

Duerch d'Zersiidlung an de Klimawandel ass an Zukunft mat méi staarke Reefäll, Stuerzfluten a Wanterhéichwaasser ze rechnen, seet de Vizedirekter vum Waasserwirtschaftsamt, Luc Zwank. Seng Verwaltung schafft un enger Adaptatiounsstrategie: d'Gemenge gi mat Subside motivéiert, fir Héichwaasserschutz ze bedreiwen.

Mick Entringer / cz

Luc Zwank
Luc Zwank

"E klengt Wanterhéichwaasser", sou beschreift de Vizedirekter vum Waasserwirtschaftsamt déi aktuell Situatioun vun de Baachen a Flëss. De Reen, deen elo géif falen, an deen net duerch Héichwaasser ofléist, wier wichteg fir d'Quellen. Doduerch kéinte sech d'Reserven opfëllen, seet de Luc Zwank. Déi läscht Jore gouf et ganz dréche Fréijoren, déi dozou gefouert hätten, datt sech de Gesamtniveau vun de Waasserreserven net komplett konnt erhuelen. "D'Debite vun de Quellen hunn eng liicht Tendenz no ënnen."

D'Waasserwirtschaftsamt stellt sech op de Klimawandel an. An de nächste Jore geet ee vu méi waarmen an dréchene Summeren aus, a vu méi waarmen a naasse Wanteren.

Subventionéierten Héichwaasserschutz

Am Kader vun der europäescher Direktive "Inondation" verflichte sech d'EU-Länner fir opzeweise wou d'Risikoberäicher fir Héichwaasser sinn a fir sech Strategien dogéint ze ginn. Dozou zielt och d'Weiderdreiwe vun de Schutzzonen. "Aktuell kënnen 30.000 Kubikmeter Quellewaasser den Dag net genotzt ginn, well si duerch Pestiziden an Nitrater belaascht sinn", seet de Luc Zwank.

15 Baachen a Flëss sinn zu Lëtzebuerg als Risikoberäicher fir Héichwaasser identifizéiert ginn. An deene Beräicher gëlle besonnesch Oplagen, a fir ze bauen brauch een Autorisatioune vum Waasserwirtschaftsamt. Retentiounsbecken, Flutpolder a Renaturéierung waren no der grousser Iwwerschwemmung d'lescht Joer am Ärenzdall am Gespréich. Mat der Ännerung vum Waassergesetz kann de Staat neierdéngs Renaturéierunge fir Héichwaasserschutz bis zu 100 Prozent subventionéieren, seet de Luc Zwank. Géigeniwwer den héijen Terrainspräisser, géife sech d'Gemengen heiansdo schwéier doen. E Réckhaltebecke wier eng Bauplaz manner.

An der Mediathéik:

Invité vum Dag / /
Lauschteren

Méi zum Thema

Armand Dews
Cercle des ONG

De President vum Cercle des ONG de Développement fuerdert méi Koherenz an de Beräicher Handel, Ëmwelt a Klimaschutz. De Kofinanzement vun 80 Prozent soll fir méi Organisatiounen zougänglech sinn.

Jean Stoll
Landwirtschaft

Eng Majoritéit vun de Liewensmëttelskandaler aus deene leschte Joerzéngten ass op eng rationaliséiert an industrialiséiert Landwirtschaft zréckzeféieren. De Jean Stoll fuerdert een Ëmdenken.

Baton Rouge
Baton Rouge

​Zu Baton Rouge gëtt opgeraumt. 13 Mënsche si bei de schwéieren Iwwerschwemmunge Mëtt August ëm d'Liewe komm. Ronn 60.000 Haiser goufe beschiedegt. Wéi ginn d'Awunner mat dëser Situatioun ëm?

Jean-Paul Lickes
Waasserwirtschaft

Méi hefteg Reefäll am Summer mat Iwwerschwemmungen a Schied, kënnegt den Direkter vum Waasserwirtschaftsamt un. De Jean-Paul Lickes plaidéiert fir méi Preventioun an Zesummenaarbecht mat de Gemengen.

Programm

Net verpassen

  • Offre d'emploi: 1 journaliste (m/f)

    Offre d'emploi: 1 journaliste (m/f)

    L'Etablissement de Radiodiffusion Socioculturelle, opérateur de la radio de service public radio 100,7, recrute, pour entrée immédiate ou à convenir, un(e) journaliste sous contrat à durée déterminée pour une durée de 12 mois et à plein temps.

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen