Gewerkschaften De Landesverband gëtt provisoresch een OGBL-Syndikat
Aus dem Landesverband kéint Mëtt 2020 provisoresch een OGBL-Syndikat ginn. Op engem ausseruerdentleche Kongress vum Landesverband hunn de Méindeg den Owend ronn 76 Prozent vun den Delegéierte fir eng méi intensiv Zesummenaarbecht mam Onofhängege Gewerkschaftsbond gestëmmt. Néideg ass elo nach d'Zoustëmmung um OGBL-Kongress Enn vun dëser Woch.
Mam Resultat bei senger Gewerkschaft, huet de President vum Landesverband Georges Merenz sech gëschter nom Kongress zu Bouneweg zefridde gewisen. De Landesverband géif et och an Zukunft ginn, awer an e bëssen enger anerer Form, huet hien am 100,7-Interview erkläert. 2022 soll een Tëschebilan vun der Zesummenaarbecht gezu ginn an 2024 soll déi definitiv Entscheedung falen.
A méi Detailer iwwert déi geplangten Zesummenaarbecht mam OGBL wäert de Landesverband de Moien op enger Pressekonferenz presentéieren.
Méi zum Thema
Schrëtt fir Schrëtt zesummewuessen
Den Nico Wennmacher ka sech virstellen, datt de Landesverband an den OGBL no an no zesummewuessen. D'Membere solle mat an d'Boot geholl ginn, seet de Member vun der Verbandsleedung vum Landesverband.
Betribswahle bei der CFL
Bei der CFL bleift d'Kräfteverhältnis tëschent de Gewerkschaften no de Betribswahle relativ konstant: De Landesverband bleift stäerkste Kraaft, de Syprolux kritt 16 vun de 44 effektiven Delegéierteposten.
An enger schwiereger Situatioun
Vun internen Tensioune schwätzt de Jean-Claude Thümmel (President vum FNCTTFEL - Landesverband) an engem Muechtkampf an deem d'Gewerkschaft zënter Méint stécht.
TICE gesäit sech net am Feeler
Den TICE léisst sech net vum OGBL an dem Landesverband erpressen. Déi soten, beim TICE géif et grave Problemer ginn. De President Henri Hinterscheid präziséiert Hannergrënn a gesäit sech net am Feeler.
Eng Police fir den ëffentlechen Transport?
D'Aggressioune géint d'Personal am ëffentlechen Transport stagnéieren op héijem Niveau. Dofir soll eng Policeunitéit do agesat ginn, wou d'Personal u Limite stéisst, esou d'Mylène Bianchy.
Nach keen Accord fir privat Buschaufferen
D'Verhandlungen ëm en neie Kollektivvertrag fir privat Buschauffere sinn an enger Sakgaass, sou den OGBL. Den Dossier ass elo op der Conciliatioun. De Knackpunkt sinn d'Dagesaarbechtszäiten.
