Ëffentlechen Transport De Präis huet just e klengen Impakt

De Präis vum Billjee géif nëmmen eng kleng Roll spillen, wann d'Leit sech d'Fro stellen, ob si den ëffentlechen Transport sollen huelen. Dat hätten Etüden op anere Plaze gewisen, seet de Geoffrey Caruso, Proff op der Uni Lëtzebuerg a Chercheur um LISER.

Maurice Molitor / cbi

Geoffrey Caruso

De gratis ëffentlechen Transport, deen haut op den Dag an engem Joer hei am Land ageféiert gëtt, wäert net dozou féieren, datt d'Leit massiv méi mat Zuch, Bus an Tram fueren. Vill méi wichteg wéi de Präis wier d'Qualitéit vum Service, an déi géif sech virun allem an Zäit moossen: d'Pénktlechkeet an d'Frequenz vun de Verbindungen.

Wichteg wier awer och d'Qualitéit vun den Uschlëss. Dat wieren d'Aspekter un deenen een haaptsächlech misst schaffen, wann een ëmmer méi Leit derzou brénge wéilt, op den ëffentlechen Transport ëmzeklammen, sou de Geoffrey Caruso. Wann een ëmmer 20 Minutten op en Uschloss misst waarden, wieren d'Passagéier veriergert. Wann d'Waardezäiten awer ze kuerz wieren, géif ee riskéieren, den Uschloss ze verpassen.

Nieweneffekter vum gratis ëffentlechen Transport

De gratis ëffentlechen Transport hätt och aner Nieweneffekter: Sou kéint et sinn, datt och manner Leit mam Vëlo fueren oder zu Fouss ginn, well ee fir kuerz Distanzen de Reflex kritt e Bus ze huelen, ebe grad well e gratis ass. Amplaz 500 Meter zu Fouss ze goen, géif et sech offréieren amplaz de Bus ze huelen.

Den Geoffrey Caruso ass der Meenung, datt ee sech d'Fro misst stellen, wat een alles gratis wéilt maachen, a wat net. Grad wéi een iwwer gratis ëffentlechen Transport géif schwätzen, kéint ee sech och d'Fro stellen, ob d'Autobunn misst gratis sinn. D'Autoen, déi an de Stadzentrum erakommen, géifen d'Loft verpeschten, mee déi missten dat net bezuelen.

An der Mediathéik:

Invité vum Dag / / Maurice Molitor
Lauschteren

Méi zum Thema

Lydie Polfer
Mobilitéit

D'Stater Buergermeeschtesch geet dovun aus, datt d'Zuel vun de Passagéier zouhëlt, wann den ëffentlechen Transport gratis gëtt. D'Gratuitéit géif d'Leit "net kaal loossen", seet d'Lydie Polfer.

Face-a-Face-Marc-Georgen-a-Jean-Marie-Jacoby
Chamberwahlen 2018

KPL a Piratepartei sinn allebéid fir d'Gratuitéit vum ëffentlechen Transport, d'Pirate schwätze léiwer vun "ticket-los" wéi vu gratis, well de Service net gratis ass, mee vun der Allgemengheet bezuelt gëtt.

Praktesch Infoen

  • 3.6. Generatiounen

    3.6. Generatiounen

    Manner Kalorien, Orchester an Danzmusek mam René de Bernardi an "The Sound of Music"

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen