Debat iwwert Regierungsdeklaratioun

Den CSV-Oppositiouns-Chef huet der Regierungs-Koalitioun den Usproch vun enger grousser politescher Erneierung ofgesprach. Am Koalitiounsprogramm ass eng erstaunlech Kontinuitéit mat der leschter Regierung festzestellen, sou de Jean-Claude Juncker de Moien an der Chamber. De President vun der gréisster Fraktioun huet eng ganz Rëtsch vu Punkten an all de Politikberäicher opgelëscht, déi scho vun der leschter Regierung an d’Weeër geleet goufen respektiv och am CSV-Wahlprogramm stoungen. De Jean-Claude Juncker huet virun engem Referendum iwwert d’Auslännerwahlrecht gewarnt an och virun der geplangtener Aféierung vun den “intérêts notionnels”, eng Steiermesure zu Gonschte vu groussen Entreprisen, déi an der Belsch zu massive Steierausfäll gefouert hätt. Den CSV-Fraktiounschef huet d’Regierung opgefuerdert dem Land z’erklären, wat genee se a punkto Mindestloun, Chômage-Indemnitéiten an RMG wëlles huet. De Jean-Claude Juncker huet besonnesch d’LSAP dofir kritiséiert, datt se Haaptfuerderung’e fir méi sozial Gerechtegkeet fale gelooss huet fir eng Dräierkoalitioun.

Detailler aus der Interventioun vum Jean-Claude Juncker, am Resumé vum Michel Delage:

[audio mp3="http://www.100komma7.lu/emissions/wp-content/uploads/MD-JCJ.mp3"]

Programm

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen