Regierungsrot Definitiv: Neie Feierdag an zousätzleche Congésdag schonn 2019

Wann et der Regierung no geet, da soll den 9. Mee schonn dëst Joer e Feierdag ginn an d'Zuel vun de legale Congés-Deeg soll schonn 2019 op 26 pro Joer klammen. De Regierungsrot huet de Freideg de Moien den deementspriechenden Text ugeholl, deen elo an déi legislativ Prozedur geet, seet de Xavier Bettel op Nofro hin.

Serge Kesseler / cz

Kalenner-9.-Mee-Feierdag
2019 gëtt den 9. Mee zum Feierdag

"Et wier gutt ,wann dësen Text schonn dëst Joer kéint a Kraaft trieden", huet de Premier betount. D'Regierung hätt hir Hausaufgabe gemaach.

Et wier ee gudder Hoffnung, datt déi zousätzlech fräi Deeg schonn dëst Joer kommen, esou den Aarbechtsminister Dan Kersch nom Regierungsrot.

Am Koalitiounsaccord steet, datt den Europadag e legale Feierdag hei am Land soll ginn an datt de gesetzleche Congés-Minimum vu 25 op 26 Deeg soll klammen. Eng automatesch Adaptatioun vun de Kollektivverträg op dësem Punkt soll et net ginn. Dem Xavier Bettel no soll um Europadag och un déi europäesch Errongenschaften erënnert ginn, z. B. un de joerzéngtelaange Fridden.

Am Regierungsprogramm steet och, datt de gesetzleche Congés-Minimum vu 25 op 26 Deeg soll klammen. Eng automatesch Adaptatioun vun de Kollektivverträg op dësem Punkt soll et net ginn.

"An da gëtt et jo nach ee supplemataire Congés-Dag, mee just fir déi Leit, déi am Moment och de Minimum vum Congé légal hunn. An dat soll, sou wéi mir et och an de Koalitiounsverhandlungen diskutéiert haten, schonn dëst Joer a Kraaft trieden."


De Panorama-Bäitrag vum Serge Kesseler:

Lauschteren

Méi zum Thema

Dan Kersch
Aarbechtsrecht

Haut Freideg géif hien de Projet de loi fir en neie Feierdag den 9. Mee am Regierungsrot presentéieren, seet den Aarbechtsminister. Iwwer eventuell Adaptatiounen um Text misst nach diskutéiert ginn.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Sozialwahlen 2019

    Den 12. Mäerz ware Sozialwahlen. A ronn 3.800 Betriber, an deene méi wéi 15 Leit schaffen, goufen d'Personaldelegatioune bestëmmt. An déi 60 Vertrieder an der Salariatskammer goufen nei gewielt.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen