Manifestatioun Demonstratioun géint Urteel vum Europäesche Geriichtshaff

Polnesch Gewerkschaftler hunn um Kierchbierg géint en Urteel vum Europäesche Geriichtshaff demonstréiert. D'Manifestatioun ass gréisstendeels roueg verlaf. Gewerkschaftsspriecher hu Rieden op Polnesch gehal.

Isabel Scott / Claude Biver

Polnesch Demo um Kierchbierg
Polnesch Demonstrante demonstréieren um Kierchbierg géint en Urteel vum Europäesche Geriichtshaff. Foto: Michèle Sinner

D'Gewerkschaftler, déi extra a Bussen aus Polen ugereest sinn, hunn um Boulevard Konrad Adenauer an der Stad an duerno virun der tschechescher Botschaft demonstréiert.

Video: Michèle Sinner

D'Vertrieder vun der Solidarność-Gewerkschaft aus Pole kritiséieren, datt duerch d'Urteel vum Europäesche Geriichtshaff déi ganz Regioun ëm d'Kueleminn zu Turów paralyséiert géif ginn.

Foto: Michèle Sinner

D'Gewerkschaft fäert, datt Honnertdausende vun Aarbechtsplazen a Gefor wieren. D'Famillje vun de Betraffene géife riskéieren an d'Aarmut ze rutschen.

Foto: Michèle Sinner

Fir kënnen an Dignitéit ze liewe géif d'Gewerkschaft elo virum Europäesche Geriichtshaff géint d'Urteel, d'Kueleminn zu Turów zou ze maachen, demonstréieren.

Gewerkschaftsspriecher hu virun hire Membere Rieden op Polnesch gehalen.

Foto: Isabel Scott

D'Police huet géint 9 Auer gemellt, datt eng 1.000 Demonstranten op der Plaz wieren. D'Gewerkschaftler waren duerno a Richtung tschechesch Ambassade gaangen. Tëschenzäitlech war de Boulevard John F. Kennedy a Richtung Stad gespaart.

Hannergrond vun der Demonstratioun ass en Urteel vum europäesche Geriichtshaff, dat indirekt festgehalen huet, datt déi polnesch Kueleminn zu Turow soll zougemaach ginn.

Am Virfeld hat d'Police de Kierchbierg ofgespaart a vill Stroosse waren och deelweis zou. Eng 840 Polizisten aus Lëtzebuerg sinn am Asaz.

Méi zum Thema

Europäesche Geriichtshaff
Um Kierchbierg

Virum Europäesche Geriichtshaff ass de Moien eng gréisser Manifestatioun. Eng 2.000 Manifestanten aus Polen ginn erwaart. Hannergrond ass en Urteel vum Geriichtshaff wéinst enger Kueleminn a Polen.

 

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen