Offiziell ageweit Den Tram ass do!

No laangem Waarden ass et endlech souwäit. Den Tram ass a Betrib. D'Stater Buergermeeschtesch schwätzt vun engem Meilestee fir d'Mobilitéit. Am Mëttelpunkt vun de politesche Riede bei der Aweiung stoung d'Geschicht an d'Zukunft vum Tram. E bësse Wahlkampf huet och net gefeelt. Mä net alles huet geklappt.

Maxi Pesch / cz

Ministere virum Tram
François Bausch, Xavier Bettel, Etienne Schneider, Pierre Gramegna

Ugefaangen huet et mat engem Schnéistuerm. Dobäi koum, datt d'Grande-Duchesse bei der Aweiung vun der neier Gare um Houwald onglécklech ënnert der Banderole stoung, déi si dunn op de Kapp krut. Duerno ass och nach d'Rolltrap fir bei den neien Funiculaire hänke bliwwen.

DP huet Astellung zu Tram geännert

An de politesche Riede goung et virun allem ëm d'Vergaangenheet. 1999 hat d'DP de Bus-Tram-Bunn-Projet verhënnert. Den deemolege Projet hätt virgesinn, een Zuch duerch d'Stad fueren ze loossen, sou d'Stater Buergermeeschtesch Lydie Polfer.

Den LSAP-Deputéierte Marc Angel war enttäuscht vun dëser Formulatioun. BTB géif fir Bus-Tram-Bunn stoen, net fir Bus-Zuch-Bunn.

Den Tram ass awer ënnert der selwechter Buergermeeschtesch Realitéit ginn. Déi fréier Stater Verkéiersschäffin Sam Tanson freet sech iwwer d'Evolutioun vun der Iddi. Nëmmen een Idiot géif seng Meenung ni änneren. Fir datt den Tram e Succès gëtt, missten all d'Parteien zesummeschaffen.

Deel vu moderner Verkéierspolitik

Och de grénge Minister François Bausch ass op d'Geschicht vum Tram agaangen. Mat engem Réckbléck an engem Wahlplakat vun déi gréng aus dem Joer 1987 an der Hand, huet den Infrastrukturminister virun allem Reklamm fir seng eege Partei gemaach.

Genee wéi d'Nordstrooss wier den Tram ee kontroverséierte Projet gewiescht, sou de François Bausch.

D'Regierung wier sech bewosst, datt den Tram eleng net d'Léisung fir d'Verkéiersproblematik wier, seet de Premier Xavier Bettel Den Tram wier awer kee Selbstzweck, mä en Deel vun engem Verkéierskonzept, dat op de Bus, Zuch an och op den Individualverkéier géing setzen. D'Regierung wier domat um richtege Wee fir engem groussen Deel vun de Mënschen eng gutt Alternativ zum Stau ze bidden.

Den 10. Dezember wier e Meilestee fir d'Mobilitéit, mengt d'Mylene Bianchi, d'Presidentin vun der Eisebunnergewerkschaft Syprolux.

Luef a Kritik fir de Claude Wiseler

De fréieren CSV-Infrastrukturminsiter Claude Wiseler hätt mat fënnef Joer ze laang fir d'Finanzéirungsgesetz fir den Tram gebraucht, mengt de François Bausch. Et wier dem Claude Wiseler awer och héich unzerechnen, datt hien de Projet CSV-intern verdeedegt hätt an datt d'Finanzéirungsgesetz, virun de Wahlen 2013, konnt gestëmmt ginn.

D'nächst Woch gëtt an der Chamber iwwer d'Erweiderung vum Tram op de Findel an de Ban de Gasperich gestëmmt. Och déi gréissten Oppositiounspartei CSV wäert de Projet ënnerstëtzen, sou de Claude Wiseler. E weideren Ausbau vum Tramreseau, iwwer déi geplangten Tracen eraus, wier awer och néideg.

An der Mediathéik:

Dossier vum Dag / / Maxi Pesch
Lauschteren

Méi zum Thema

D'Wäschanlag vum Tram
Verkéier

Vun dësem Sonndeg un transportéiert den Tram Passagéier vun der Luxexpo bis bei d'Rout Bréck. Am neien Transportmëttel stécht vill Technik. Am Tramsschapp gëtt sech dorëms gekëmmert.

Luxtram
Tram

40 Joer nodeems dee leschten Tram gefuer ass, fiert en elo geschwënn nees duerch d'Haaptstad. Wéi ass den Tramsprojet aus urbanistescher a landesplanerescher Perspektiv ze beuerteelen?

François Bausch
Wuesstem

Lëtzebuerg geet am Verkéierschaos ënner. Fir d'Period 2023-2033 annoncéiert de François Bausch eng nei Mobilitéitsstrategie: De MODU 2.0. D'Land bräicht en anere Wuesstemsmodell.

Heiner Monheim
Verkéier

Lëtzebuerg huet ee Verkéiersproblem, seet den däitsche Verkéierswëssenschaftler Heiner Monheim. Et misst ee vum Auto ewech kommen. Eng méiglech Léisung gesäit hien an engem Tram-Train.

Programm

  • Moies-Magazin

  • On air

    Iwwer Mëtteg

    • Feiertage - Wonnemonat Mai

  • Resonanzen

  • Spektrum

  • Ënnerwee

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • De Grand-Duc Jean

    De Grand-Duc Jean ass dout: de fréiere Lëtzebuerger Staatschef ass e Méindeg Moien am Alter vun 98 Joer gestuerwen. Reaktiounen an Hannergrondbäiträg fannt dir an eisem Dossier.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen