D’Twinerg zu Esch ka weider Stroum produzéieren

Déi Escher Twinerg gëtt, anescht wéi geplangt, net am Oktober zougemaach. No enger Decisioun vun der Belscher Regierung kann d’Gas- an Dampturbinnen-Anlag fir zwee weider Joere fonctionnéieren.

20150921-twinerg-


oto: ©Twinerg

Wéinst Problemer an den Atomzentralen Doel an Tihange hat d’Belsch virun enger Rei Joeren eng strategesch Reserve mat alternativë Stroumproduzente festgeluecht. Op Demande soll kënnen direkt op hire Stroum zréckgegraff ginn. “D’Kandidatur vun der Twinerg gouf zréckbehalen”, sot eis de Jean Lucius, Generaldirekter vum Co-Actionnaire Enovos International. Als Géigeleeschtung géif d’Belsch d’Käschte fir d’Maintenance iwwerhuelen.

Déi Escher Anlag, déi zesumme mat Electrabel GDF Suez an ArcelorMittal bedriwwe gëtt, hätt am Oktober sollen zougemaach ginn. Wéinst den niddregen Energiepräisser war d’Gas- an Dampturbinnen-Anlag net méi rentabel. “Dee Problem ass elo vum Dësch”, sou de Jean Lucius. Bannent den zwou nächste Woche géif d’Décisioun vun der belscher Energie-Ministesch Marie-Christine Marghem iwwert en Arrêté royal offiziell ginn.

Audio

De Baitrag vum Carole Schimmer:

 

 

Net verpassen

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen