Piratepartei "Ech hat net d'Gefill, datt dee Mann a Bedrängnis wier"

Ee Mataarbechter vun de Piraten - dee kee Problem domat hat, mam Numm genannt ze ginn - huet Enn der leschter Woch, am Online-Magazin reporter.lu, déi schlecht Stëmmung an der Partei kritiséiert, an an deem Kontext besonnesch zwee exponéiert Vertrieder vun de Pirate schaarf attackéiert. De Generalsekretär an Deputéierte Marc Goergen, deem hie Mobbing virgehäit, an den Europa-Wahlkandidat Daniel Frères, dee mam Thema Déiereschutz seng eegen, mat kengem ofgeschwate Campagne géif maachen.

Maurice Molitor / cz

Marie-Paule Dondelinger (Piratepartei/Pid)
Marie-Paule Dondelinger (Piratepartei/Pid)

D'Marie-Paule Dondelinger, Co-Spriecherin (also Co-Presidentin) vun de Piraten, huet de Méindeg Moien am 100,7-Interview sou op déi Aussoe vum Partei-Mataarbechter reagéiert.

"Wat soll een do soen? Mir waren immens iwwerrascht iwwer deen Artikel. Wann deen Här sech effektiv esou fillt, wéi hien dat duerstellt, dann ass dat eng zimlech Katastrof. Ech hu reegelméisseg Kontakt mat deem Mann, aarbechtsméisseg. Ech hat net d'Gefill, datt dee Mann esou a Bedrängnis wier, ech wéisst och net firwat."

Themeschwéierpunkten hu sech verännert

D'Thema Déiereschutz ass ganz staark present an der Campagne vun de Pirate fir d'Europawahlen. An dat ass haaptsächlech engem Kandidat op der Lëscht zouzeschreiwen, dee sech ganz staark mat deem Thema probéiert ze profiléieren.

D'Pirate wiere ufanks net mam Sujet Déiereschutz grouss gi sinn, mee si ass aus dem Thema Dateschutz erausgewuess. Fräien Internet an Transparenz wieren nach ëmmer wichteg Sujete fir d'Piratepartei, awer net méi déi eenzeg. "Well mir gesinn, datt mir e groussen Demokratiedefizit hunn an Europa, am eegene Land, vläicht souguer weltwäit ... an och do e flotte Programm hu mat resolute Conclusiounen, déi mir ganz gär géifen duerchsetzen. An déi mir och gäre géife mat anere Parteien, déi sech un eis inspiréieren duerchsetzen, wann déi dann och Wëlles sinn, dee Schratt matzegoe beim Ëmsetzen."

Entscheedung iwwer Zesummenaarbecht tëschent PiD a Piratepartei no Europawahlen

No den Europawahle wëllen d'Piraten a Gespréicher mat der PID, der Partei fir integral Demokratie, klären, ob a wa jo, a wéi enger Form si an Zukunft weider wëllen zesummeschaffen, esou d'Marie-Paule Dondelinger, Co-Spriecherin (also am Fong Co-Presidentin) vun de Piraten, déi aus der PiD kënnt, an um Site vun der PiD och nach ëmmer ass Presse-Attachée vun där Partei geféiert gëtt. Am Fréijoer d'lescht Joer haten déi zwou Parteien decidéiert, mat gemeinsame Lëschten an d'Chamber- an Europawahlen ze goen. A fir d'Marie-Paule Dondelinger soll déi Kooperatioun och net de 26. Mee op en Enn goen.

"Ech denke schonn, datt mir e Wee fannen zur Zesummenaarbecht, well dat wier fir jiddwereen (denken ech) richteg an och gutt. Vu que datt mir Programm-méisseg bis vläicht op e puer Detailer op enger Schinn leien, an och um mënschleche Plang u sech gutt eens gi mateneen. An ech denken, do sinn Opportunitéiten. Ech wëll awer elo net hei virun de Won sprangen, éier mir intern am Detail déi dote Saachen ebe gekläert hunn."

An der Mediathéik:

Invité vum Dag / / Maurice Molitor
Lauschteren

Méi zum Thema

Goergen-Bumb.jpg Exklusiv
No Facebook-Post

"Eis Recherche baséiert op Temoignagen, an net op geleakten E-mailen oder soss Dokumenter." Dat seet de Christoph Bumb vu reporter.lu als Reaktioun op Virwërf vum Marc Goergen, Generalsekretär an Deputéierte vun de Piraten.

D'Piratepartei nom Kongress am Februar 2019
Piratepartei

D'Piratepartei huet kee President méi. De Starsky Flor an d'Marie-Paule Dondelinger sinn nei Co-Spriecher vun der Partei. Fir Onmutt suergt, datt d'Marie-Paule Dondelinger Member bei der PID ass.

Gast Gibéryen - Sven Clement
Chamberwahlen 2018

D'ADR an d'Piratepartei wëlle fir déi nächst fënnef Joer een technesche Grupp forméieren. Et géif dorëm goen, d'Aarbecht an der Chamber ze optiméieren. Politesch Zesummenaarbecht soll et awer keng ginn.

Sven Clement
Chamberwahlen 2018

D'Pirate wéilte mat der PID eng Alternativ fir déi Leit bidden, déi onzefridde mat der Regierung sinn, d'CSV awer net wiele wëllen. Dat wier awer net ouni Reiwunge geschitt, seet de Sven Clement.

Sven Clement-5094.JPG
Piratepartei Lëtzebuerg

No de Wahltermäiner vun den nächste Jore kéint déi Lëtzebuerger Piratepartei een neie President kréien. Dat seet de Sven Clement, deen um Samschdeg fir ee weidert Mandat als President genannt gouf.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen