EU-Ungarn Relatiounen "Ech hätt fir den Artikel 7 gestëmmt"

Den EU-Kommissiounschef Jean-Claude Juncker huet en Appell lancéiert fir méi Unitéit an der EU, Spaltunge missten iwwerwonnen an d'Kompromëssbereetschaft méi grouss ginn. Wéi soll dat funktionéieren?

Danièle Weber / cbi

De Jean-Claude Juncker bei der State of the Union 2018
Foto: European Union , 2018 / Etienne Ansotte

A senger Ried hat de Kommissiounspresident Jean-Claude Juncker een zimlecht positiivt Bild vun der EU gezeechent a sech dobäi op déi wirtschaftlech Situatioun bezunn. "D'EU ass aus der Kris eraus", sou säi Constat. Hie geséich awer och "politesch Problemer a grousser Zuel an Europa", seet hien am 100,7-Interview.

Indirekt Kritik un den EU-Memberlänner

D'Kommissioun wëll kee Sënnebock sinn, war och eng vun den Aussoen an der Ried, déi de Jean-Claude Juncker zu Stroossbuerg am Parlament gehalen hat. Indirekt huet hien d'Memberlänner responsabel gemaach fir Saachen, déi net esou lafe wéi se sollen. Drop ugeschwat, firwat hien hei net méi däitlech gëtt, seet de fréiere lëtzebuergesche Premier, hien hätt eréischt déi lescht Woch gesot, datt hien ee grousse Problem mam Viktor Orbán hätt, och déi italienesch Regierung hätt hie méi ewéi eng Kéier kritiséiert.

"Ech hunn ee grousse Problem am Orbán"

"Wann ech Member am Europaparlament wier, dann hätt ech dofir gestëmmt, datt den Artikel 7 am Fall vun Ungarn zu Uwendung kënnt", seet de Jean-Claude Juncker. D'Europaparlament hat sech op deem nämmlechten Dag dofir ausgeschwat huet, datt eng Prozedur géint Ungarn lancéiert gëtt, well d'Land d'Wäerter vun der EU net respektéiert.

Ob d'Fro, firwat d'Kommissioun dës Prozedur net selwer lancéiert huet, huet de fréiere lëtzebuergesche Premier de Fall Polen an d'Spill bruecht: "Mir sinn déi éischt Kommissioun, déi den Artikel 7 net nëmmen an de Mond hëlt, mee en am Fall vu Polen zur Uwendung bréngt".

Wat d'Migratioun ugeet, weist de Kommissiounschef drop hin, datt d'Kommissioun vill Propose gemaach huet. "Ech gesinn net, wou mir doriwwer eraus nach kéinten aktiv ginn."

Unanimitéit ophiewen, fir virunzekommen

Fir virunzekomme muss d'EU a verschiddene Beräicher Decisioune kënnen huelen, och wa verschidde Memberlänner net d'Accord sinn, fënnt d'Kommissioun a proposéiert d'Unanimitéit zum Beispill an aussepoliteschen Dossieren opzehiewen.

Dat kéint och a Steierdossiere geschéien, sou de Jean-Claude Juncker, deen och do fir Lëtzebuerg kee Problem gesäit. Et géif jo ëmmer eng Debatt stattfannen, an där ee seng Interesse verdeedege kann.

An der Mediathéik:

Europa Aktuell / / Danièle Weber
Lauschteren

Méi zum Thema

State of the Union 2018
EU-Ungarn

Dem Europaparlament no muss d'EU géint Ungarn eng Prozedur lancéieren, well d'Land géint d'Rechtsstaatlechkeet verstéisst. "Ech hätt och dofir gestëmmt", seet de Jean-Claude Juncker.

Danièle Weber Analys
Auslandschronik

Dës Europäesch Kommissioun seet vu sech selwer, si wier eng "politesch" Kommissioun. Dozou géif eng aner, eng méi professionell Kommunikatiounspolitik gehéieren, mengt d'Danièle Weber.

Programm

  • Noriichten

  • On air

    Klassik - Dem Bach seng Mass a si mineur

  • Panorama

  • Mëttes-Concert - "Mein Vaterland" vum Bedrich Smetana

  • Spektrum - Best Of Eurosonic

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen