Gemengewahlen "Ech soen net: Ech si géint d'Ofschafe vun Duebelmandater"

Engersäits wieren d'Buergermeeschtere méi no um Terrain. Dat wier an der Chamber vu Virdeel, mengt den Inneminister Dan Kersch. Mä d'Erfahrung an der Chamber wier och nëtzlech fir d'Aarbecht an de Gemengen.

Dan Kersch
Inneminister Dan Kersch (LSAP)

Dem Dan Kersch (LSAP) no misst ee sech eng Partie Froe stellen, iert een d'Duebelmandater géif ofschafen.

"Wann dat Argument richteg ass, wann ee Buergermeeschter vun enger Gemeng ass, da muss ee sech dorop konzentréieren. Dann heescht dat awer net nëmmen, datt net en Deputéierten dierf Buergermeeschter sinn. Mä dann heescht dat jo awer och, datt een net dierf als Dokter, zum Beispill als Häerzdokter, moies um oppenen Häerz operéieren an da mëttes Buergermeeschter sinn. Oder dierf en Affekot da Buergermeeschter sinn? An da bleiwen herno just nach d'Fonctionnairen, déi kënne Buergermeeschter sinn. Ech wëll awer net an engem Staat liewen, an deem just nach Fonctionnairë Buergermeeschter sinn."

Lëtzebuerg wier ze vill e klengt Land, fir d'Gemengepolitik komplett vun der Nationalpolitik ze trennen, esou den Inneminister.

Referendum iwwert Gemengefusiounen

Dem CSV-Spëtzekandidat Claude Wiseler seng Propos, fir an der nächster Legislaturperiod en nationale Referendum zum Thema Gemengefusiounen z'organiséieren, wier keng nei Iddi vun der CSV. Se wier och net gutt duerchduecht, mengt den Dan Kersch. De Generalsekretär Laurent Zeimet vun der CSV hätt dem Claude Wiseler seng Propos och ewell relativéiert. D'Konzept vum nationale Referendum wier net kompatibel mat der Charte européenne de l'autonomie locale, déi Lëtzebuerg als éischt Land an der EU ënnerschriwwen hätt.

"Zweetens mengen ech, datt et vun der Approche net richteg ass, datt d'Bevëlkerungsmajoritéit am Süden an am Zentrum vum Land soll decidéieren, wéi d'Leit am Norden an am Oste sollen zesummeliewen. Dofir mengen ech, datt déi Iddi keng gutt ass. Jidderee ka sech ieren. Ech mengen och, datt de Spëtzekandidat vun der CSV mëttlerweil agesinn huet, datt e besser hätt, sech zu deene Saachen z'äusseren, wou e wierklech Bescheed weess. Hei weess en et offensichtlech net."

Gemengenautonomie fërderen

"Ech wäert deen éischten Inneminister sinn, dee säi Pouvoir vis-à-vis vun de Gemenge wäert verklengeren", seet den Dan Kersch. Eng vun de Prioritéiten am leschte parlamentaresche Joer virun den nächste Landeswahle wier d'Promotioun vun der Gemengenautonomie. Dat och bei de Gemengefusiounen. Dës dierften, dem Dan Kersch no, net vun uewen erof vun der Regierung imposéiert ginn.

Méi zum Thema

Alain Spies
Gemengewahlen

Fir d'Gemengebeamte huet den Ausgang vun de Wahlen e groussen Afloss op hiren Alldag. Dat seet den Alain Spies vun der Federatioun vun de Gemengebeamten. Gemengepolitiker misste méi Zäit kréien.

Marianne Brosius-Kolber a Roland Schreiner
Gemengewahlen

D'Buergermeeschtesch vu Fëschbech geet dëst Joer net méi mat an d'Wahlen. Dat gëllt och fir de Schëfflenger Buergermeeschter. Béid nennen ënnerschiddlech Grënn. Zum Beispill méi Zäit fir d'Famill.

Elisabeth Margue a Fabio Spirinelli
Gemengewahlen

D'Gemengepolitik hëlleft, fir e Fouss an d'national Politik ze kréien, soen d'Presidentin vun der CSJ an de Generalsekretär vun de Jonke Sozialisten. Et misst een d'Gemengewahlen awer mat aneren Ae kucken.

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen