Logementspolitik "Ech trauen dëser Regierung net"

"Dës Regierung wäert am Logement scheiteren", ausser si géif hir Politik changéieren, seet den David Wagner.

Serge Kesseler (Interview) / Claude Biver (Web)

David Wagner
Den David Wagner ass fir déi Lénk an der Chamber

Souguer wa massiv méi ëffentlech géif gebaut ginn, da géif een d'Effekter dovun eréischt an zéng Joer spieren, mengt den David Wagner. Et misst awer elo direkt gehandelt ginn, fir datt d'Leit sech erëm Wunnenge kënne leeschten.

"Ech trauen dëser Regierung net. Ech mengen dës Regierung wäert scheiteren am Logement. Et deet mir leed. Mir sinn all betraff, éierlech gesot an et ass e reelle Problem. Ausser si änneren hir Politik, ausser den Här Kox geet duerno mat sengem Pacte logement erëm zeréck a säi Ministère an e mécht eppes Neies an hien iwwerzeegt d'DP iergendeppes wëllen ze maachen. Well déi blockéieren alles, alles, alles."

D'Regierung géif net verstoen, datt déi zentral Fro déi vum Kampf géint d'Buedemspekulatioun wier. Den Henri Kox wéilt jiddweree mat an d'Boot huelen, mee an der Politik kéint een net jiddweree mat an d'Boot huelen. "Iergendwann eng Kéier muss een e Choix maachen.", esou den David Wagner. Net jiddwereen hätt nämlech déi selwecht Interessen:

"D'Promoteure Becca, Gioghetti asw., déi hunn net déi selwecht Interesse wéi den Duerchschnëttsaarbechter, dee mat 2.500 Euro de Mount muss auskommen. Dat gëtt et net. Do muss een e Choix maachen, do muss een awer och kënne kämpfen, an den Här Kox muss wëssen, datt hien dee Choix fir géint déi grouss Promoteure muss huelen. A mir sinn och bereet, hien dobäi ze ënnerstëtzen."

Royal Hamilius: "Eng Katastroph, ee Skandal"

Den David Wagner zweiwelt drun, datt den DP-CSV-Schäfferot an der Stad Lëtzebuerg iwwerhaapt Wunnengsbaupolitik mécht: dat huet den Deputéierte a Member vum Stater Gemengerot däitlech gemaach. Hien huet ënner anerem kritiséiert, datt d'Gemeng eidele Wunnraum net wéilt besteieren. De Bauprojet um Royal Hamilius gesäit den David Wagner kritesch:

"Royal Hamilius dat ass ebe Logementspolitik à la Stad, à la DP, à la CSV, à la Gréng, muss een awer och soen. Et ass eng Katastroph, et ass e Skandal. [...] Well et ass d'Privatiséierung vum ëffentleche Raum. D'Leit musse wëssen, datt an der Stad eng zweet Katastroph wéi de Royal Hamilius geplangt ass, dat ass op der Stäreplaz. Do ass anscheinend och esou e Monstrum geplangt. Och do wäerte Luxuswunnenge geschafe ginn. [...] Si fuere weider mat deem Schäiss. An d'Leit mussen op d'Strooss goen."

An der Mediathéik:

Invité vum Dag / / Serge Kesseler
Lauschteren

Méi zum Thema

Tom Becker
Logement zu Lëtzebuerg

De Geograph Tom Becker vermësst eng iwwergräifend Strategie fir de Logementsproblem ze léisen. De Fuerscher vun der Uni Lëtzebuerg seet, et wier wichteg, datt de Staat, d'Gemengen an déi privat Acteure sech besser berode loossen.

Sam TANSON
Logement a Kultur

De Logement wier eng richteg Erausfuerderung. Si géif awer och d'Potential an deem Ministère gesinn, notamment duerch d'Zesummenaarbecht mat deenen anere grénge Ministeren, esou d'Sam Tanson.

Julien Licheron
Chamberwahlen 2018

D'Immobiliëpräiser zu Lëtzebuerg sinn zanter 2010 all Joer tëscht 4,5 a 5 Prozent geklommen. A si klamme virun, seet de Julien Licheron. D'Lëtzebuerger Specificitéit wier, datt zanter Joerzéngten d'Offer der Demande net nokënnt.

2018-10-02-Fàf-Diderich-vs-Hansen.jpg
Chamberwahlen 2018

déi Lénk wëllen eng ëffentlech Immobilien-Agence schafen, mat där séier bezuelbare Wunnraum kéint mobiliséiert ginn, dee schonn existéiert. D'Demokratech Partei setzt ënner anerem op d'Ënnerstëtzung vun der Privatinitiativ.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

  • Suicidegefor am Alter: En Tabuthema

    Suicidegefor am Alter.png

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen