Coronavirus Educatioun: Nei Moossname geplangt

Den Educatiounsministère huet der zoustänneger Chamberkommissioun de Freideg de Moien eng Rei nei Moossname fir de Schoulberäich matgedeelt. Dat fir de Fall, datt d'Restriktioune fir d'Bevëlkerung insgesamt duerch en neit Covid-Gesetz verschäerft ginn. Deemno géifen tëscht dem 30. November an der Chrëschtvakanz d'Lycéesklasse vu 4e bis 2e an A a B Gruppe fonctionéieren. Dat schreift d'Chamber op hirem Site. Et wier den Direktiounen iwwerlooss, dësen oder en aneren Alternance-System ëmzesetzen. D'Enseignante wieren awer an der Schoul present.

Michèle Sinner / Maxi Pesch / cz

Schoul Coronavirus

Fir ee gudden Oflaf vun den Examen ze garantéieren, soll den Trimester-System duerch Semesteren ersat ginn. Des weidere ginn d'Reegele ronderëm d'Droe vum Mask harmoniséiert: all Schüler soll deemno seng Mask unhunn, bis e sëtzt oder eng Sportsaktivitéit ufänkt, mat Ausnam vum Cycle 1.

De Ministère huet och matgedeelt, datt weider 70 Leit forméiert goufen, fir an de mobillen Ekippen an de Schoule Covid-Tester ze maachen. Bis Mëtt nächster Woch sollen déi mobil Test-Ekippen doduerch d'Kapazitéit hunn, fir tëscht 7 an 800 Schüler an Enseignanten den Dag ze testen.

D'CSV begréisst déi nei Mesuren fir de Schoulberäich. Allerdéngs hätt déi gréissten Oppositiounspartei sech méi streng Mesure bei der Maskeflicht gewënscht esou d'Martine Hansen op Nofro hin. Et géifen och nach vill Froen opbleiwen wat déi parascolaire Aktivitéiten ugeet. Hei géifen et keng kloer Reegele ginn bedauert d'CSV. Net zefridden ass déi gréissten Oppositiounspartei iwwert d' Ausso vum Claude Meisch.

"De Minister sot d'Opdeelung an de Gruppen A a B géif elo eréischt Sënn maachen, well mir elo en deelweise Lockdown hätten. Well virdrun hätt en et net gemaach, well et jo kee Sënn mécht A a B Gruppen ze maachen wa gläichzäiteg d'Schüler duerno hier Premiere géifen an den M-Club feiere goen. An dat hunn ech e staarkt Stéck fonnt. Well éischtens mengen ech och elo wou mir keng strikt Mesuren hunn, geet een net an den M-Club eng Premiere feieren. An zweetens ënnerstellt een de Schüler datt Si sech net un d'Reegelen halen."

Méi zum Thema

Claude Meisch
Educatioun

D'Maskeflicht bei méi wéi véier Leit an engem Raum wäert net fir d'Schoule gëllen, esou den Educatiounsminister Claude Meisch. Ob am Klassesall eng Mask muss ugedoe ginn oder net, bleift deemno eng autonom Decisioun vun de Lycéeën.

Alain Maassen
Educatioun

D'national Elterevertriedung ass zefridde mat de sanitäre Reegelen, déi vun der nächster Woch un an de Schoule gëllen. Et géif een zum Beispill begréissen, datt an de Klassesäll keng Maske mussen ugedoe ginn, esou de President vun der Elterevertriedung.

Programm

Net verpassen

  • De Schwéierpunkt am November: Depressiounen

    Depressiounen

    Wanterblues vs Wanterdepressioun, klassesch Depressioun, Angschtstéierungen, Suicide, Impakt vun der Pandemie: Mir analyséiere de Sujet aus all méigleche Bléckwénkelen 

    All Dënschdeg um 13:15

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen