Lëtzebuerger Arméi Eng Perspektiv no der Arméi

Um Härebierg feelt et un Zaldoten, seet de Christian Schleck. De President vun der Arméigewerkschaft seet, datt an der einfacher Zaldotecarrière 40 Prozent méi Personal gebraucht ginn, mee och an deene méi héije Carrièrë vun der Arméi géife Leit feelen.

Rick Mertens / cbi

Christian Schleck SPAL
De Christian Schleck ass President vun der Arméigewerkschaft

Ee Grond dofir wier, datt vill Leit bei den Examen duerchfalen, seet de Christian Schleck, besonnesch bei de Sprooch. Vill Leit géifen awer och am Sport duerchfaalen, bedauert de Christian Schleck. "An do muss ee kucken, u wéi enge Schrauwen een dréit, fir datt een dat eventuell herno kann nohuelen, wa si bis an der Arméi sinn."

De President vun der Arméigewerkschaft ass awer net fir den "Nivellement vers le bas":

"Guer net - ganz au contraire. Mee mir sinn awer der Meenung: wann ee méi schwaach Leit eranhëlt, da muss ee kucke fir d'Leit herno iwwer d'Formatioun esou ze forméieren, datt si den Niveau hunn, dee mir brauche fir kennen eng anstänneg Aarbecht ze maachen."

Eng Carrière no der Arméi

Donieft fuerdert d'Arméigewerkschaft och, datt d'Zaldoten nei Beruffsperspektive fir hir Zäit no der Arméi kréien. Dat soll hëllefe fir d'Arméi nees méi attraktiv ze maachen. D'Arméi hätt an de leschte Joren eng ganz Rei exklusiv Carrièrë verluer, déi fir Zaldote reservéiert waren. Vill Leit, déi an d'Arméi kommen, géifen hirem Land gären eng Déngscht maachen.

"Dat ass eben de Punkt: Dofir hätte mir gären, datt méi an och interessant Debouchée geschaaft ginn, mat méi héijen Niveau d'Etuden. Well eréischt dann, wa mir kompetitiv sinn, an den Niveau vun den Zaldoten eropgesat kréien, dann hu mir herno eng gutt Personalstruktur an der Lëtzebuerger Arméi."

An der Mediathéik:

Invité vum Dag / / radio 100,7
Lauschteren

Méi zum Thema

Marco Boly
Inspection du travail et des mines

Fir optimal ze schaffe brauch d'ITM bis d'Joer 2025 220 nei Posten, seet den Direkter vun der Gewerbeinspektioun. Een Deel dovu kéint aus der Arméi rekrutéiert ginn. Dat soen de Marco Boly an den Aarbechtsminister.

Riicht Eraus
Riicht Eraus

De Rekrutement vun Zaldote gëllt als Haapterausfuerderung vun der Arméi. Bis Enn 2017 soll eng nei Rekrutéierungsstrategie vun der Regierung ausgeschafft sinn, zesumme mam externe Beroder PwC.

Net verpassen

  • 23.10. Riicht eraus mam Marc Giorgetti

    RiichtEraus_MarcGiorgetti_horizontal.jpg

    Mam President vum Groupement des Entrepreneurs geet et ëm d'Wunnengskris, déi geplangte Grondsteierreform a säi professionelle Parcours als Bauentrepreneur.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen