Etienne Schneider: Mandatslimitéierung gëllt vun 2013 un
Gutt zwou Woche virum Referendum hëlt d’Regierung nach emol kloer Positioun an der Fro vum Limitéiere vun hire Mandater. "Wann d’Majoritéit de 7. Juni dofir stëmmt datt d’Regierungsmandater op maximal zéng Joer limitéiert solle ginn, da gëllt dat fir déi blo-rout-gréng Koalitioun réckwierkend vum Dezember 2013 un", esou de Vize-Premier Etienne Schneider am 100,7-Interview. Legal gesi géif et keng Obligatioun ginn dat ze maache well d’Mandatslimitéierung réischt dann a Kraaft trëtt wann d’Verfassung an d’Gesetz geännert sinn.
All d’Regierungsmembere géifen sech awer politesch engagéieren hiert aktuellt Mandat vun Ufank u mat anzerechnen. “Dat ass méi wéi fair”, esou den Etienne Schneider. An enger vun den dräi Referendumsfroe vum 7. Juni ginn d’Wieler gefrot, ob si fir oder géint en zäitlecht Limitéiere vun de Ministermandater sinn.
