EU-Budget: Lëtzebuerg kritt 90,9 Milliounen Euro zréck
De Woche laange Sträit iwwert den EU-Budget fir 2015 huet eng wichteg Hürd geholl. Vertrieder vun den 28 Memberstaten hunn zu Bréissel de provisoreschen Accord guttgeheescht, dee gëschter mam Europaparlament fonnt gouf. D’nächst Woch muss den neien EU-Budget nach zu Stroossbuerg gréng Lut vun den Europadeputéiert kréien.
Mam Accord ginn och Sue fräi gesat, déi beim Budget vun dësem Joer wéinst Contestatioune vun de Memberstate blockéiert waren. Lëtzebuerg profitéiert dovunner : eisen Informatiounen no, ka Lëtzebuerg am Februar 24 Milliounen Euro vu Bréissel zeréckfroen. Weider 66,9 Milliounen Euro si schonn un d’Tresorerie zréck iwwerwise ginn. Domadder kritt Lëtzebuerg wéinst neie Berechnungen am Ganzen, wéi erhofft , 90,9 Milliounen Euro zréck.
De Bäitrag vum Jean-Claude Franck:
