Press EU-Parlament fir eng besser Protektioun vu Journalisten

A manner ewéi engem hallwe Joer sinn zwee Investigatiounsjournalisten an der EU ëmbruecht ginn. D'Europaparlament mécht elo een Appell un d'EU-Memberlänner, Journaliste besser ze protegéieren. D'Parlament freet och, datt Europol sech un der Enquête iwwer de Mord vum Journalist Ján Kuciak an der Slowakei soll bedeelegen.

Danièle Weber / ys

Ingeborg GRÄSSLE a Claude MORAES
D'Ingeborg Grässle an de Claude Moraes vun der Delegatioun, déi an d'Slowakei war (Foto: EP / Eric Vidal)

Den liberale briteschen Europadeputéierte Claude Moraes gesäit en Zesummenhang tëschent der Hausse vum Populismus a verschiddene Länner an dem Fait, datt Journalisten zu Zilscheiwe fir Gewalt ginn.

De Phenomen wier net nei an der EU. "Wann ee Journalist ëmbruecht gëtt, heescht dat, datt hien eppes erausfonnt hat, wat fir een anere wäertvoll ass." D'Conclusioun wier, datt Journaliste besser geschützt misste ginn. Och wann d'Recht op Meenungs- a Pressefräiheet per Gesetz garantéiert wier, sou wéi dat an der Slowakei de Fall ass.

Bedeelegung vun Europol un Enquête?

De Claude Moraes war am Mäerz mat enger Delegatioun aus dem Europaparlament an d'Slowakei gereest, fir sech op der Plaz ee Bild iwwert d'Situatioun ze maachen. Europol sollt sech un der Enquête bedeelegen. "Mir denken, datt dat hëllefe kann, déi Schëlleg ze fannen, déi de Ján Kuciak a seng Frëndin Martina Kušnírová ëmbruecht hunn." An dat géif och dozou bäidroen, datt d'Enquête méi onofhängeg an objektiv géif ginn.

D'Parlament insistéiert, datt Journaliste, Blogger a Whistleblowere besser protegéiert ginn, op nationalem an op europäeschem Niveau.

D'EU-Kommissioun wëllt e Méindeg eng nei Direktiv iwwer d'Protectioun vu Whistleblowere presentéieren.

Méi zum Thema

Valerija Berdi Meenung
Kulturchronik

Den tierkesche Journalist a Schrëftsteller Can Dündar lieft an Däitschland am Exil. Him gëtt an der Tierkei Landesverrot virgeheit. Si mir eis dem Wäert vun der Presse- a Meenungsfräiheet bewosst?

Whistleblower
Kontext #chamberleak

Dem radio 100,7 läit e Fall vir vun enger Sécherheetslacune op enger staatlecher Internetplattform. Si gouf net behuewen, well de Whistleblower kee Schutz viru penale Sanktioune garantéiert krut.

Luc Caregari
Informatiounszougangsrecht

D'Lëtzebuerger Journaliste fuerderen zënter Joren en Informatiounszougangsrecht fir Journalisten. D'Regierung ass där Demande net nokomm. De Presserot huet dofir eng eege Gesetzpropositioun ausgeschafft.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Resonanzen

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen