Europäesche Geriichtshaff kippt Direktiv iwwert d'Späichere vun Kommunikatiounsdonnéeën

Den Europäesche Geriichtshaff huet déi europäesch Direktiv iwwert d’Späichere vu Kommunikatiounsdonnéeë fir ongülteg erkläert.

Déi systematesch Späichere vun Donnée’en iwwert Telefon- an Internetverbindungen ass der Cour no e grave Verstouss géint d’Grondrechter, dat heescht d’Protectioun vun der Privatsphär a vu persounebezunnen Donnéeën.

Mat der Direktiv aus dem Joer 2006 ginn d’Operateure verflicht sougenannt Metadaten ze sammelen a während 6 Méint bis 2 Joer ze späicheren: Et geet also net ëm den Inhalt, mee den Zäitpunkt an d’Dauer vun enger Kommunikatioun, de geographesche Standuert, an d’Zort vun Apparat mat deem kommunizéiert gëtt. D’Cour ass der Meenung, datt des Donnéeën et erlaben e präzist Bild vun enger Persoun hirem Liewen ze kréien. D’Mesure wier net streng genuch limitéiert a stéing dowéinst net am Verhältnis zu hirem affichéierte But, deem vun der Kriminalitéitsbekämpfung.

Déi national Gesetzgebung, mät där d’EU-Direktiv ëmgesat gouf, bleiwt bis op weideres gülteg: méiglech ass zum Beispill awer datt verschidden Elementer aus dem Gesetz abrogéiert ginn, bis eng nei Direktiv virläit. Eng Reaktioun vum Lëtzebuerger Justizminister Felix Braz gëtt am Nomëtten erwaart.

D’Pia Oppel war de Moien um Geriicht um Kierchbierg:

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen