Geheimdéngscht Parquet elo awer aktiv

An der Affär ëm eng illegal Ecoute beim Geheimdéngscht huet sech d'Justiz elo ageschalt. Regierung, SREL-Direktioun a Chamber-Kontrollkommissioun wollten de Fait net denoncéieren.

Pia Oppel

Justiz
(Foto: © Bigstock)

De Parquet huet matgedeelt, datt elo awer eng Enquête lancéiert gouf an der Affär ëm eng illegal Ecoute beim SREL:

"Le Parquet de Luxembourg communique que le mardi 21 mars 2017 une information judiciaire a été ouverte sur base des détails parus dans la presse relatifs à une écoute effectuée par le Service de Renseignement de l’Etat (SRE) qui aurait été continuée malgré l’expiration de l’autorisation requise par la loi.

L'instruction est en cours et pour l'instant il n’y a pas d'autres éléments à communiquer."

De Parquet hat nach Ufank der Woch op Nofro hi gesot, et géif fir den Ament keng Enquête opgemaach ginn, well a priori keng Infraktioun z'erkenne wier.

Kritik vun der Oppositioun

Den 18. Mäerz hat d'Tageblatt gemellt, datt de Geheimdéngscht d'Kommunikatioun vun enger Persoun méi laang wéi autoriséiert ofgelauschtert huet. De Staatsministère hat déi Informatioun doropshi confirméiert an erkläert, et hätt sech ëm ee reng administrative Feeler gehandelt.

No enger Entrevue den 22. Mäerz mam Premier hunn d'Deputéiert vun CSV, ADR an déi Lénk kritiséiert, datt de Fall hätt misse beim Parquet denoncéiert ginn. De Xavier Bettel huet der parlamentarescher Institutiounekommissioun awer confirméiert, datt hien net Wëlles hätt, dat ze maachen. De Premier argumentéiert, et wier e reng administrative Feeler geschitt. Och den DP-Fraktiounschef Eugène Berger sot, fir seng Partei wier d'Affär klasséiert.

Méi zum Thema

Telefonsecoute.jpg
Geheimdéngscht

De Geheimdéngscht huet eng Persoun méi laang wéi autoriséiert ofgelauschtert. D'Regierung, d'SREL-Direktioun an d'Kontrollkommissioun hunn d'Justiz net saiséiert. D'Oppositioun kritiséiert dat.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

  • Notturno

  • On air

    Virum Dag vu 6 bis 10

  • Panorama

  • Virum Dag vu 6 bis 10

  • Noriichten

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen