Eugène Berger Geheimdéngscht-Gesetz gëtt net nogebessert

Fir de Staatstrojaner wäert et keen zousätzlechen, gesetzleche Kader ginn, seet den DP-Fraktiounschef Eugène Berger. Nieft der Reform vum Geheimdéngscht geet Rieds iwwer de Verfassungsreferendum an d'Staatsscholden.

Mick Entringer / ys

Eugène Berger
Eugène Berger

D'Institutiounskommissioun hätt sech an der Vergaangenheet vill Zäit gelooss, fir hir Aarbecht seriö ze maachen, seet den Eugène Berger. D'Komissioun wär elo net méi responsabel fir d'Agenda a géif op den Avis vum Staatsrot waarden. Wann deen Avis bis am Hierscht net virläit, géif de Referendum an dëser Legislaturperiod bal onméiglech. Dat sot den Alex Bodry (LSAP) dem radio 100,7.

2015 sollt d'Vollek schonn iwwer déi nei Verfassung ofstëmmen, dat steet am Koalitiounsaccord. Als Member vun der Chamber-Komissioun verséchert den DP-Fraktiounschef, datt net geträntelt gi wär. Et wär e schwieregen Text, an et hätt ee versicht, déi bescht méiglech Äntwerten ze fannen.

Biergerbedeelegung bei Verfassungsreferendum

Am Géigesaz zum Referendum vun 2015 wéilt een dës Kéier och d'Bierger mat abannen. "Lesson learned", verséchert de liberale Politiker. "Et geet net, datt mir hanner zouenen Dieren ënner Spezialisten eng Verfassung ausschaffen an déi de Leit herno presentéieren an engem Referendum." Et misst een oppe bleiwe fir Iddien, wou eng grouss Majoritéit vun de Leit géif hannendru stoen.

Am Summer géife wëssenschaftlech Panele mat der Uni Lëtzebuerg organiséiert, fir z'ermëttelen, wéi eng Sujeten d'Bierger besonnesch géifen uschwätzen oder polariséieren. Am Hierscht wéilt een da mat de Bierger iwwer déi Punkten diskutéieren.

Geheimdéngscht-Reform duerch d'Chamber?

Den Eugène Berger hofft, datt d'Gesetz, wat de Geheimdéngscht soll reforméieren, den 9. Juni an der Chamber gestëmmt gëtt.​

D'SREL-Enquêtëkommissioun hat proposéiert, datt den Direkter vum Geheimdéngscht sech soll strofbar maachen, wann hien d'Chamber vu sech aus net iwwer Mëssstänn a sengem Service géing informéieren. De Staatsrot hätt kritiséiert, datt den Direkter vum Geheimdéngscht wéi all anere Beamte misst behandelt ginn. Deem hätt d'Kontrollkommissioun Rechnung gedroen, sou den Eugène Berger. Et wären awer genuch Dispositioune virgesinn, duerch déi den Direkter kéint "op de Grill gesat ginn", wann hie senger Informatiounsflicht net géif nokommen.

​Kee gesetzleche Kader fir Staatstrojaner

Bei der Aféierung vun engem Staatstrojaner gëtt de Kritike vun der Dateschutzkommissioun an der consultativer Mënscherechtskommissioun net Rechnung gedroen. Béid Instanzen hate grouss Reserve beim Projet de loi iwwert d’Antiterrormeseuren. An deem Kontext ass och fir d’Justiz eng staatlech Iwwerwaachungs-Software.

D'Institutiouns-Chamberkommissioun wäert d’Gesetz iwwert de Geheimdéngscht net nobesseren, esou den Eugène Berger. De Staatstrojaner fir de SREL gëtt deemno gesetzlech net zousätzlech encadréiert. Den DP-Fraktiounschef geet dovun aus, datt och de Staatstrojaner fir d'Justiz keen zousätzlechen, gesetzleche Kader wäert kréien.

​Staatsscholde prozentual stabil

Obwuel déi blo-rout-gréng Regierung ugetruede war, fir de Scholdebierg ofzebauen, wuessen d'Staatsscholden nees. Dat geet aus enger Prognos vum Finanzministère ervir. Zwëschent 2007 an 2013 hätt et eng grouss Explosioun vun de Scholde ginn, seet den Eugène Berger. Et wéilt een d'Scholden och net reduzéiere mee stabiliséieren. Am Koalitiounsvertrag wär eng Limite vun 30 Prozent vum PIB festgehal. Wéinst dem Wuesstëm géif d'Somm vun de Scholden an d'Luucht goen, prozentuel gesinn, wäre se stabil. Aktuell géif d'Regierung dovun ausgoen, datt d'Scholde bei 23 Prozent géife bleiwen.

An der Mediathéik:

Invité vum Dag / /
Lauschteren

Méi zum Thema

Alex Bodry
Verfassungsreform

Ass Ufank 2018 den zweete Referendum fir d'Verfassungsreform? Dat ass realistesch, seet den Alex Bodry. Awer just wann de Staatsrot säin zweeten Avis spéitstens am Hierscht dëst Joer fäerdeg huet.

staatstrojaner.jpg
Digital Iwwerwaachung

De Staatstrojaner kritt mat der SREL-Reform eng legal Basis. Wou d'Spionage-Software hier kënnt a wat genee domadder däerf gemaach ginn, ass net preziséiert. D'Gesetz soll trotzdem gestëmmt ginn.

Programm

  • Moies-Magazin

  • On air

    Iwwer Mëtteg

  • Resonanzen

  • Spektrum

  • Ënnerwee

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen